మీడియా నీతులు చెబుతుంది. కానీ పాటించదు. ఆ విషయం మరోసారి నిరూపితమవుతోంది. టీవీ చానళ్లకు ప్రకటనలు బార్క్ రేటింగ్స్ ను బట్టి వస్తాయి. అందుకే చానెళ్లు ఆ బార్క్ రేటింగ్స్ ను మ్యానిపులేట్ చేస్తున్నారు. గతంలో ఇలాంటి కేసులో ఆర్నాబ్ గోస్వామి కూడా అరెస్టయ్యారు. ఇప్పుడు కేరళలో అలాంటి స్కామ్ బయటపడింది.

కేరళలో బయటపడిన మోసం

కేరళలోని ఒక ప్రముఖ టీవీ ఛానెల్ యజమాని, ముంబైలోని BARC ఉద్యోగి ప్రేమ్‌నాథ్‌ల మధ్య జరిగిన రహస్య లావాదేవీలు బయటపడ్డాయి. రేటింగ్స్‌ను మార్చడానికి రూ.100 కోట్లకు పైగా లంచాలు ఇచ్చిన ఈ మోసం, టీవీ పరిశ్రమలోని రూ.50,000 కోట్ల అడ్వర్టైజింగ్ మార్కెట్‌ను కదిలించింది. కేరళ ముఖ్యమంత్రి పినరయి విజయన్ ఆదేశాలతో డీజీపీ చంద్రశేఖర్ నేతృత్వంలో ప్రాథమిక దర్యాప్తు మొదలైంది. కేరళ టెలివిజన్ ఫెడరేషన్ (KTF) ముఖ్యమంత్రి పినరాయి విజయన్ , BARC సీఈఓకు వేసిన ఫిర్యాదు ఆధారంగా ఈ దర్యాప్తు ప్రారంభమైంది. ఈ మోసం వల్ల ఆ ఛానెల్ రేటింగ్స్ కృత్రిమంగా పెంచారు. ప్రత్యర్థులకు నష్టం సంభవించింది. అదే సమయంలో అడ్వర్టైజర్లను మోసం చేసినట్టు ఆరోపణలు ఉన్నాయి.

చాలా కాలంగా జరుగుతున్న మోసం

ఈ మోసం 2024-2025 మధ్య పీరియడ్‌లో ఎక్కువగా జరిగినట్టు ఆధారాలు లభించాయి. BARC లో ఉన్నత ఉద్యోగి అయిన ప్రేమ్‌నాథ్, రేటింగ్స్ ఎలా ఉంటాయో లెక్కలను ముందుగా షేర్ చేసి, బార్‌మీటర్‌లు ఉన్న ప్రాంతాల PIN కోడ్‌లను అందించి, వ్యూయింగ్ ప్యాటర్న్‌లపై ప్రభావం చూపడానికి సహాయపడ్డాడు. ఒక్కసారి ప్రేమ్‌నాథ్ పంపిన రేటింగ్ లెక్కలు BARC ప్రచురించిన అధికారిక డేటాతో సరిగ్గా సమానంగా ఉండటంతో మోసం జరిగినట్లుగా నిర్దారించారు.

చానల్ యజమాని అడ్డదారులు

ఆ కేబుల్ నెట్‌వర్క్‌లో కేవలం 20,000 సబ్‌స్క్రైబర్లు మాత్రమే ఉండగా, కేరళలో మొత్తం 85 లక్షల కేబుల్ కనెక్షన్లు ఉన్నాయి. అయినా తాము ల్యాండింగ్ పేజీ సాధించామని చెప్పుకున్నారు. యూట్యూబ్ వ్యూస్‌ను కృత్రిమంగా పెంచడానికి మలేషియా, థాయ్‌లాండ్‌లో ఫోన్ ఫార్మింగ్ కు కోట్లు పెట్టుబడి పెట్టారు. బహుళ ఫోన్‌లతో ఒకే టైమ్‌లో వీక్షణలు పెంచుకోవడం, సోషల్ మీడియాలో రెమ్యూనరేటెడ్ క్యాంపెయిన్‌లు నడపడం వంటి పద్ధతులు ఉపయోగించారు.

ప్రేమ్‌నాథ్‌తో వాట్సాప్ చాట్‌లు, కాల్ రికార్డులు బయటపడ్డాయి. వాటిలో రేటింగ్ అంకాలు ముందుగా పంపడం, లంచాలు గుర్తించినట్టు ఎమోజీలతో స్పందనలు ఇవ్వడం కనిపిస్తున్నాయి.

క్రిప్టో రూపంలో చెల్లింపు

ఛానెల్ యజమాని తన ఖాతా నుంచి రూ.100 కోట్లకు సమీపంలో USDT క్రిప్టోకరెన్సీ రూపంలో ట్రస్ట్ వాలెట్ కు బదిలీ అయ్యాయి. ఈ డబ్బు ప్రేమ్‌నాథ్ వద్దకు చేరిన తర్వాత, ఈ మోసంలో భాగమైన వారికి చెల్లించారు. ఈ మోసం ద్వారా ఛానెల్ అడ్ రెవెన్యూను పెంచుకుని, ప్రత్యర్థులకు దెబ్బ తీసినట్టు ఆరోపణలు ఉన్నాయి. ఇలాంటి మోసాలు ఇతర రాష్ట్రాల్లో కూడా జరుగుతున్నాయని ఆశకలు వ్యక్తమవుతున్నాయి. మొత్తం వ్యవస్థపై దర్యాప్తు చేస్తే.. ఆనకొండలు బయటకు వస్తాయి.