హిట్టు ఫార్ములా అనే వర్డ్ తెలుగు సినిమా ఇండస్ట్రీలో రెగ్యులర్‌గా వినిపిస్తూ ఉంటుంది. ఆ మాటకొస్తే విన్నింగ్ టీంని ఛేంజ్ చేయడానికి స్పోర్ట్స్‌లో కూడా ఎవరూ పెద్దగా ఇష్టపడరు. అదే సినిమాలకు వచ్చేసరికి హిట్ తీసుకొచ్చిన సీన్స్, టైటిల్స్, కథలను అంత ఈజీగా వదిలిపెట్టలేరు డైరెక్టర్స్. ‘చిరు’తగా ఎంట్రీ ఇచ్చిన రామ్ చరణ్ కూడా ఒక్క ఆరెంజ్ సినిమాలో మినహా మిగతా అన్ని సినిమాల్లోనూ చిరంజీవి పాటో, పేరో వినిపించేలా ప్లాన్ చేసుకున్నాడు. మగధీర, బ్రూస్ లీ సినిమాల్లో మెగా స్టార్ గెస్ట్ అప్పియరెన్స్ ఉండేలా ప్లాన్ చేసుకున్నాడు. ఆ ప్రయత్నాల్లో కొన్ని ఫ్లాప్స్ ఉన్నా సక్సెస్ పర్సంటేజే చాలా ఎక్కువ అన్నమాట వాస్తవం. అలాగే ‘వెంకటాద్రి ఎక్స్‌ప్రెస్’తో ఎంట్రీ ఇచ్చిన డైరెక్టర్ మేర్లపాక గాంధీకి కూడా ఎక్స్‌ప్రెస్ అనే వర్డ్‌ని టైటిల్‌లో యాడ్ చేయడం సెంటిమెంట్‌లా ఉంది. అందుకే కథకు సంబంధం లేకపోయినా రెండో సినిమాకు ‘ఎక్స్‌ప్రెస్ రాజా’ అన్న టైటిల్‌ని ఫైనల్ చేశాడు. ‘రాజా’ అన్న వర్డ్ మాత్రం హీరో శర్వానంద్ సెంటిమెంట్ అన్న విషయం తెలిసిందే. ఇఫ్పుడు రామ్ చరణ్, మేర్లపాక గాంధీ కలిసి చేయబోతున్న సినిమాకు కూడా ఎక్స్‌ప్రెస్ ఉండేలా ఏదైనా వెరైటీ టైటిల్ ప్లాన్ చేస్తున్నాడట గాంధీ. ఓ స్టార్ హీరో ఇమేజ్‌కి ఎక్స్‌ప్రెస్ అన్న వర్డ్ టైటిల్‌లో ఉంటే ప్లస్ అయ్యే అవకాశాలే ఉన్నాయి కానీ ఆ రెండో వర్డ్ అయినా కొత్తగా ఉంటే బాగుంటుంది. కొన్ని రూమర్స్ వినిపిస్తున్నట్టుగా ‘మెగా ఎక్స్‌ప్రెస్’ లాంటి టైటిల్‌తో వస్తే మాత్రం సెటైర్సే ఎక్కువ పడే ఛాన్సులుంటాయోమో. ఆరెంజ్ తర్వాత మరోసారి లవ్ స్టోరీకి సై అన్న రామ్ చరణ్‌కి మేర్లపాక గాంధీ ఈ సారి ఎలాంటి రిజల్ట్ ఇస్తాడో చూడాలి మరి.
రామ్ చరణ్ న్యూ మూవీ టైటిల్….టూ ఫన్నీ
