కాంగ్రెస్ చేజారనున్న మరో రెండు రాష్ట్రాలు !

వందేళ్లు పైబడిన కాంగ్రెస్ పార్టీ చరిత్రలో ఇంత గడ్డు కాలం బహుశా ఎప్పుడూ రాలేదేమో. 2014 లోక్ సభ ఎన్నికల్లో ఘోర పరాజయం తర్వాత వరసగా రాష్ట్రాల్లోనూ ఓటమి ఎదురవుతోంది. నిరుడు బీహార్లో మాత్రం నితీష్, లాలు ప్రసాద్ యాదవ్ పుణ్యమా అని సంకీర్ణ ప్రభుత్వంలో భాగస్వామి అయింది. అంతకు మించి దాదాపుగా గత రెండేళ్లలో కాంగ్రెస్ సాధించిన ఘనకార్యాలు ఏమీలేవు. ఏప్రిల్, మే నెలల్లో జరిగే ఎన్నికల్లో కాంగ్రెస్ చేతిలో ఉన్న మరో రెండు రాష్ట్రాల్లోనూ విపక్షాలు గెలిచే సూచనలు కనిపిస్తున్నాయి. తల్లీ తనయులు సోనియా, రాహుల్ గాంధీలకు మింగుడు పడని విషయమిది.

ఎన్నికలు జరగనున్న నాలుగు రాష్ట్రాలు, ఒక కేంద్ర పాలిత ప్రాంతంలో కేరళ, అస్సాంలలో కాంగ్రెస్ అధికారంలో ఉంది. అయితే మరోసారి కాంగ్రెస్ గెలిచే అవకాశం లేదని సర్వే చెప్తోంది. కేరళలో లెఫ్ట్ కూటమి, అస్సాంలో బీజేపీ కూటమి గెలవవచ్చనే వార్త కాంగ్రెస్ వారికి షాకిచ్చేదే.

ఇటీవల అరుణాచల్ ప్రదేశ్ లో సొంత పార్టీ తిరుగుబాటు ఎమ్మెల్యేలు బీజేపీతో కలిసి ప్రభుత్వాన్ని ఏర్పాటు చేశారు. ఆ పరిణామం తర్వాత దేశంలో కాంగ్రెస్ అధికారంలో ఉన్న రాష్ట్రాల సంఖ్య 8కి పడిపోయింది. అందులోనూ చాలా వరకు చిన్నా చితకా రాష్ట్రాలు, కర్ణాటక, కేరళ, అస్సాం, హిమాచల్ ప్రదేశ్, మణిపూర్, మేఘాలయ, మిజోరం, ఉత్తరాఖండ్ లలో కాంగ్రెస్ అధికారంలో ఉంది. ఇప్పుడు కేరళ, అస్సాంలలో కూడా ఓడిపోతే ఆ పార్టీ బలం మరింత పడిపోతుంది. అప్పుడు కర్ణాటక మినహా కేవలం చిన్న, ఈశాన్య రాష్ట్రాలకే ఆ పార్టీ అధికార బలం పరిమితం అవుతుంది.

ఇండియా టీవీ సర్వే ప్రకారం, కేరళలో కాంగ్రెస్ సీట్ల సంఖ్య 72 నుంచి 49కి పడిపోయే అవకాశం ఉంది. వామపక్ష కూటమి సీట్లు 66 నుంచి 89 పెరగవచ్చు. ఆశ్చర్యకరంగా ఎన్డీయేకు ఒక సీటు రావచ్చని కూడా సర్వే అంచనా వేసింది.

ఇక అస్సాంలో కమలం వికసించే అవకాశం ఉందట. అయితే మెజారిటీకి 7 సీట్లు తగ్గవచ్చు కాంగ్రెస్ సీట్ల సంఖ్య 78 నుంచి 44కు తగ్గవచ్చు. బీజేపీ కూటమి బలం 27 నుంచి 57కు పెరగవచ్చు. ఎ ఐ యు డి ఎఫ్ బలం 18 నుంచి 19కి పెరగవచ్చు. సర్వే చేసేటప్పుడు బీజేపీ కూటమిలో ఏజీపీని చేర్చలేదు. ఏజీపీ తో కలిసి మెజారిటీ సాధించే అవకాశం ఉందని భావిస్తున్నారు. అంటే, ఊమెన్ చాందీ, తరుణ్ గొగోయ్ ల పాలనకు ప్రజలు చరమగీతం పాడే అవకాశం ఉందనేది సర్వే సారాంశం. పైగా, కేరళలో ప్రతిసారీ ప్రభుత్వం మారడం కొన్ని దశాబ్దాలుగా ఆనవాయితీగా వస్తోంది. పైగా ఈసారి విజయం కోసం వామపక్షాలు సర్వశక్తులూ ఒడ్డి పోరాడుతున్నాయి. అంటే, కాంగ్రెస్ కు కష్ట కాలం కంటిన్యూ కావచ్చన్న మాట.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

ప్రభాకర్ రావు వచ్చాకే అసలు ట్యాపింగ్ సినిమా !

ఫోన్‌ట్యాపింగ్‌ కేసులో నిందితులైన హైదరాబాద్‌ మాజీ టాస్క్‌ఫోర్స్‌ డీసీపీ రాధాకిషన్‌రావును గురువారం రాత్రి పోలీసులు అరెస్ట్‌ చేశారు. ఆయన గట్టు మల్లును ఇన్స్‌పెక్టర్ ను పెట్టుకుని ఓ మాఫియా నడిపారని...

డేరింగ్ అండ్ డాషింగ్ కేజ్రీవాల్

అవినీతి వ్యతిరేక ఉద్యమం చేసి వచ్చి అవినీతి కేసులో అరెస్టు అయ్యాడన్న ప్రచారం చేస్తున్నారు. సామాన్యుడు కాదు లంచగొండి అని గట్టిగా ప్రజల మైండ్లలోకి ఎక్కించే ప్రయత్నం చేస్తున్నారు. తన సీఎం...

HOT NEWS

css.php
[X] Close
[X] Close