ఏపీలో 196 మండలాలలో కరువు

ఆంధ్రప్రదేశ్ ముఖ్యమంత్రి ఏదయినా ఒక పని పట్టుకొంటే ఇక ఎల్లప్పుడూ అదే ధ్యాసలో ఉంటూ, దాని గురించే మాట్లాడుతూ, ఆ పనినే చేస్తూ, అందరినీ పనిచేయిస్తూ మిగిలిన విషయాల పట్ల అశ్రద్ధ చూపిస్తుంటారని ఒక అపవాదు ఉంది. ఒక దాని నుంచి మరొక దానికి మారిపోతూ ప్రజలను కూడా అందులోకిలాగే ప్రయత్నం చేస్తుంటారు. అందుకు గోదావరి పుష్కరాలు, ఓటుకి నోటు కేసు, పట్టిసీమ ప్రాజెక్టు, అమరావతి భూసేకరణ, శంఖుస్థాపన వంటి కొన్ని ఉదాహరణలు కళ్ళ ముందున్నాయి. బహుశః ఈ విషయం ఆయన కూడా గ్రహించినట్లున్నారు. అందుకే ఇప్పుడు పోలవరం ప్రాజెక్టు నిర్మాణం గురించి, రాష్ట్రంలో పెండింగులో ఉన్న ఇతర సాగునీరు ప్రాజెక్టుల నిర్మాణం పూర్తి చేయడం గురించి మాట్లాడుతున్నారు.

ఈ సంవత్సరం రాష్ర్టంలో తీవ్ర వర్షాభావపరిస్థితులు నెలకొని ఉండటంతో చాలా జిల్లాలలో పంటలు పండక కరువు తాండవిస్తోంది. రాయలసీమ జిల్లాలలో రైతులు ఆర్ధిక సమస్యలు భరించలేక ఆత్మహత్యలు చేసుకొంటున్నారు. అమరావతి మైకం నుంచి బయటపడిన ముఖ్యమంత్రి చంద్రబాబు నాయుడు ఇపుడు రాష్ట్రంలో కరువు పరిస్థితిపై కూడా దృష్టి సారించారు. కరువు నివారణ చర్యలు చేప్పట్టేందుకు రాష్ట్రంలో కరువు మండలాలను ప్రభుత్వం ప్రకటించింది. ఆ మండలాలలో రైతులను ఆదుకొనేందుకు కేంద్ర రాష్ట్ర ప్రభుత్వాల నుండి అవసరమయిన నిధులు విడుదల చేసేందుకు ప్రయత్నాలు మొదలుపెట్టారు. ఈరోజు రాష్ట్ర ప్రభుత్వం ప్రకటించిన కరువు మండలాలలో అత్యధికంగా రాయలసీమ ప్రాంతంలోనే ఉన్నాయి. అన్నిటికంటే అత్యధికంగా కర్నూలులో 40 మండలాలు, అనంతపురంలో 39, చిత్తూరులో 39, కడపలో 33, ప్రకాశం 21, నెల్లూరు 14, శ్రీకాకుళం జిల్లాలో 10 మండలాలను కరవు మండలాలుగా ప్రభుత్వం ప్రకటించింది. రాష్ట్రంలో మొత్తం 196 కరువు మండలాలను ప్రభుత్వం గుర్తించింది. దీనిని బట్టి పరిస్థితి తీవ్రత అర్ధం చేసుకోవచ్చును. ఇప్పటికయినా ముఖ్యమంత్రి చంద్రబాబు నాయుడు పరిస్థితి చెయ్యి దాటిపోక ముందే మేల్కొనడం చాలా సంతోషమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అలా చేస్తే రాహుల్ నపుంసకుడో కాదో తేలుతుంది..కాంగ్రెస్ నేత సంచలన వ్యాఖ్యలు

ఎన్నికలు వచ్చిన ప్రతిసారి కాంగ్రెస్ అగ్రనేత రాహుల్ గాంధీ పెళ్లి విషయంపై బీజేపీ నేతలు కామెంట్స్ చేయడం పరిపాటిగా మారింది. ఆయనకు మగతనం లేదని అందుకే పెళ్లి చేసుకునేందుకు భయపడుతున్నారని బీజేపీ నేతలు...

బీజేపీకి రాజాసింగ్ షాక్…ఏం జరిగిందంటే..?

హైదరాబాద్ బీజేపీ ఎంపీ అభ్యర్థి మాధవీలత నామినేషన్ కు ఎమ్మెల్యే రాజాసింగ్ డుమ్మా కొట్టారు.హైదరాబాద్ సెగ్మెంట్ ఇంచార్జ్ గా తన అభిప్రాయాన్ని తీసుకోకుండానే ఏకపక్షంగా మాధవీలత అభ్యర్థిత్వాన్ని ఫిక్స్ చేశారని రాజాసింగ్ అసంతృప్తిగా...

తెలంగాణలో ఛాలెంజింగ్ పాలిటిక్స్

లోక్ సభ ఎన్నికల్లో కాంగ్రెస్, బీజేపీ, బీఆర్ఎస్ హోరాహోరీగా తలపడుతున్నాయి. ప్రజాభిప్రాయం ఎలా ఉన్నా మెజార్టీ సీట్లు మావంటే మావేనని ప్రకటిస్తున్నాయి. ప్రత్యర్ధి పార్టీలపై ఆయా పార్టీల నేతలు విమర్శలు, ప్రతి విమర్శలు...

కొనసాగింపు కథల బాక్సాఫీసు వేట

‘బాహుబలి’ సినిమా సైజ్ ని పెంచింది. ప్రేక్షకులందరికీ థియేటర్స్ లోకి తీసుకురాగలిగితే బాక్సాఫీసు వద్ద ఎలాంటి మాయ చేయొచ్చు నిరూపించింది. సినిమా కథకు కూడా కొత్త ఈక్వేషన్ ఇచ్చింది. బహుబలికి ముందు దాదాపు...

HOT NEWS

css.php
[X] Close
[X] Close