ఆ ‘న‌ల్ల కుబేరుడి’పై కొత్త ప్ర‌చారం!

ప‌దివేల కోట్ల న‌ల్ల‌ధ‌నం ప్ర‌క‌టించిన ఆ బ్లాక్ మిలియ‌నీర్ ఎవ‌ర‌నేది ఆంధ్రాలో అధికార, ప్ర‌తిప‌క్షాల మ‌ధ్య తీవ్ర చ‌ర్చ‌కు దారితీసిన సంగ‌తి తెలిసిందే. అది ప్ర‌తిప‌క్ష నేత జ‌గ‌న్ మోహ‌న్‌రెడ్డికి చెందిన‌ సొమ్మే.. అని తెలుగుదేశం ఒక స్టాంప్ వేసేసింది. ఆ కుబేరుడు ఆయ‌నే అంటూ విమర్శ‌లు చేసింది. ప్ర‌తిప‌క్షం వైకాపా కూడా త‌గ్గ‌లేదు. ఆ బ్లాక్ మ‌నీ చంద్ర‌బాబు అనుచ‌రుడిది అంటూ జ‌గ‌న్ మ‌రో కొత్త వాద‌న తెర‌మీదికి తెచ్చారు. ఆ న‌ల్ల‌ధ‌న‌వంతుల వివ‌రాలు బ‌య‌ట‌పెట్టాల‌ని కూడా ప్ర‌ధానికి లేఖ రాశారు. అంతేకాదు, త్వ‌ర‌లోనే ఢిల్లీకి వెళ్లి ప్ర‌ధాన‌మంత్రిని స్వయంగా క‌లిసి ఇదే విష‌య‌మై మాట్లాడేందుకు జ‌గ‌న్ ప్ర‌య‌త్నిస్తున్న‌ట్టుగా కూడా చెప్పుకుంటున్నారు. అయితే, ఈ త‌రుణంలో ఆ న‌ల్ల‌ధ‌న కుబేరుడు ఎవ‌రంటూ అన్ని వ‌ర్గాల్లోనూ కొత్త చ‌ర్చ మొద‌లైంది.

అంత మొత్తంలో బ్లాక్‌ను వైట్ చేసుకున్న‌ది ఆదికేశ‌వుల నాయుడే అనే అనుమానాలు ఇప్పుడు కొత్త‌గా ప్ర‌చారంలోకి వ‌స్తున్నాయి. ఆ సొమ్ము ఆయ‌న‌దే అయి ఉంటుంద‌న్న ఊహాగానాలు వినిపిస్తున్నాయి. ఎందుకంటే, ఇటీవ‌లే ఆయ‌న భార్య, చిత్తూరు శాస‌న స‌భ స‌భ్యురాలు స‌త్య‌ప్ర‌భ ఇంటిపై ఐటీ దాడులు జ‌రిగాయి. లిక్క‌ర్ కింగ్ విజ‌య్ మాల్యాతో ఈ ఫ్యామిలీకి సాన్నిహిత్యం ఉంద‌నీ, ఆయ‌న స్వ‌దేశీ బ్యాంకుల‌కు రూ. 9 వేల కోట్ల కుచ్చుటోపీ పెట్టి దేశాన్ని దాటేస్తున్న సంద‌ర్భంగా ఈ ఫ్యామిలీ ద‌గ్గ‌ర కొంత సొమ్ము దాచుకున్నార‌ని అనుమానించారు. ఆ కోణంలో ఐటీ దాడుల జ‌రిగాయ‌నీ, పెద్ద ఎత్తున ఆస్తులు దొరికాయ‌ని క‌థ‌నాలు వ‌చ్చాయి. అంతేకాదు, ఈ ఫ్యామిలీ న‌డుపుతున్న కాలేజీలో కూడా పెద్ద మొత్తంలో బ్లాక్ మ‌నీ ల‌భించింద‌నీ అన్నారు. కాబ‌ట్టి, ఆంధ్రాలో హాట్ టాపిక్‌గా మారిన ఆ న‌ల్ల‌ధ‌న‌వంతుడు ఆదికేశ‌వుల నాయుడే అయి ఉంటార‌ని వాణిజ్య వ‌ర్గాల్లో కూడా చ‌ర్చ జ‌రుగుతోంది.

ఒక‌వేళ ఇదే క‌రెక్ట్ అయితే ఈ విష‌యంలో తెలుగుదేశం సెల్ఫ్ చేసుకున్న‌ట్టు అవుతుంది. ఇన్నాళ్లూ ఆ న‌ల్ల‌ధ‌న‌వంతుడు జ‌గ‌నే అంటూ దేశం వెలెత్తి చూపింది. ఇప్పుడు, అది తెలుగుదేశం పార్టీకి చెందిన‌వారిదే అనే ప్ర‌చారం మొద‌లైంది. ఈ తాజా ప్ర‌చారాన్ని వైకాపా ఆయుధంగా మార్చుకునే అవ‌కాశం ఉంటుంది. ఏదేమైనా, ఈ బ్లాక్ మ‌నీ గొడ‌వ ఇప్ప‌ట్లో స‌ద్దుమ‌ణిగేట్టుగా లేదు. కొత్త‌కొత్త పేర్లు తెర‌మీదికి వ‌స్తున్నాయి!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

HOT NEWS

css.php
[X] Close
[X] Close