నిర్మాత దిల్ రాజు చేతిలో ప్రస్తుతం వున్న సినిమా మహర్షి. లైన్ లో మాత్రం చాలా ప్రాజెక్టులు వున్నాయి. అయితే ఇకపై కొన్నాళ్ల పాటు భారీ సినిమాల నిర్మాణాలకు దూరంగా వుండాలని నిర్మాత దిల్ రాజు భావిస్తున్నారట.
ఇవ్వాళో, రేపో, 96 సినిమా రీమేక్ అధికారిక ప్రకటన వస్తుంది. శర్వానంద్-సమంత కాంబినేషన్. దీంతో పాటే ఇంద్రగంటి-నాని కాంబినేషన్ సినిమా ఎలాగైనా స్టార్ట్ చేయాలని దిల్ రాజు సీరియస్ గా వున్నారు. కానీ కథే సెట్ కావడం లేదు. అనిల్ రావిపూడితో మరో ప్రాజెక్ట్ టైమ్ పడుతుంది.
ఈలోగా మీడియం హీరోలు ఎవరు దొరికితే వాళ్లతో మంచి ప్రాజెక్టులు ప్లాన్ చేయాలని చూస్తున్నారు. దిల్ రాజు జాబితాలో విజయ్ దేవరకొండ దగ్గర నుంచి నాగ్ చైతన్య వరకు చాలా ఆలోచనలు వున్నాయి. ఏది చేసినా ముఫై కోట్ల కు కాస్త అటు ఇటుగా తప్ప, భారీ సినిమాలు ఇప్పట్లో చేయరని తెలుస్తోంది. ఆ మధ్య బన్నీతో ఒక సినిమా చేయాలని ఆలోచించారు కానీ, ఫ్రస్తుతానికి ఆ ఆలోచనకు ఫుల్ స్టాప్ పెట్టారని టాక్. ఇకపై సంక్రాంతిని మాత్రం వదల కూడదని, ఫుల్ ఫ్యామిలీ ఎంటర్ టైనర్ ప్రతి ఏటా ఒకటి ప్లానింగ్ లో వుంచుకొవాలని కూడా నిర్ణయించేసుకున్నారట.
మీడియం సినిమాల్లో శ్రీనివాస కళ్యాణం బ్యాక్ ఫైర్ అయింది తప్ప, మిగిలినవి ఏవీ దిల్ రాజును అంతగా నిరాశపర్చలేదు. అందుకే దిల్ రాజు ఇలా డిసైడ్ అయినట్లున్నారు.
