ప్రియుడి మోజులో భర్తను అడ్డు తొలగించుకున్న భార్య లాంటి క్రైమ్ స్టోరీస్ చాలా జరిగాయి. జరుగుతూ ఉంటాయి. అయితే.. క్రిమినల్ మైండ్ ఉన్న వాళ్లు.. పెళ్లిచేసుకునే వరకూ ఆగడం లేదు. పెళ్లి చేసుకోబోయేవాడ్ని కూడా చంపేస్తున్నారు. ఇలాంటి ఘటన ఒకటి కర్నూలు జిల్లా ఆళ్లగడ్డలో జరిగింది. హతుడు.. ఓ అమ్మాయిని పెద్దలు కుదిర్చిన వివాహం చేసుకుందామని.. అనుకున్నాడు.. కానీ.. చివరికి ఆ అమ్మాయి చేతిలో పెళ్లి కాకుండానే పరలోకానికి పోతానని ఊహించలేకపోయాడు. అమ్మాయి డిగ్రీ రెండో సంవత్సరం చదువుతున్న మైనర్. హత్యలో ఆమెకు సహకరించిన వారు.. తోటి విద్యార్థులు. వారిలో ఒకరు ఆమెను ప్రేమించిన వారు.
కర్నూలు జిల్లా ఆళ్లగడ్డ పట్టణంలోని ఓ డిగ్రీ కాలేజీలో చదువుతున్న యువతికి తల్లిదండ్రులు వివాహం నిశ్చయించారు. అయితే..వరుడు గఫార్ బేగ్ హఠాత్తుగా హత్యకు గురయ్యాడు. ఎవరితోనూ వివాదాల్లేని యువకుడ్ని ఎవరు చంపారా అని పోలీసులు ఆరా తీస్తే సంచలన విషయాలు బయట పడ్డాయి. పెళ్లి చేసుకోబోయే అమ్మాయే మాస్టర్ ప్లాన్ రూపొందించించి హత్య చేయించిందని గుర్తు పెట్టారు. పెళ్లి ఇష్టం లేని యువతి తన బాయ్ ఫ్రెండ్ అతని మిత్రులతో కలిసి హత్య చేయించింది.
కాబోయే భర్తను ఎలాగైనా అంతమొందించాలనుకున్న ఆమె అతనికి, కుటుంబ సభ్యులకు ఏమాత్రమూ అనుమానం రాకుండా పది రోజులుగా రోజూ ఫోన్‌లో ప్రేమగా మాట్లాడేది. అది ప్రేమ అనుకుని నమ్మాడు గఫార్ బేగ్. శనివారం ఫోన్ చేసిన యువతి .. ఇంట్లో ఎవరూ లేరు.ఇంటికి రా అంటూ నమ్మ బలికింది. కాబోయే భార్య పిలిచింది కదా అని అతను ముందూ వెనుక చూసుకోకుండా వెళ్లిపోయాడు. అప్పటికే ఆ యువతి ప్రియుడు, మరో యువకుడు బైక్‌ను అటకాయించి దాడి చేశారు. అంతలోపే వెనుక నుంచి వచ్చిన మరో ఇద్దరు యువకులు కలిసి అతన్ని కత్తులతో పొడిచి చంపారు. తర్వాత ఎవరి దారిన వారు వెళ్లిపోయారు. మృతుడి సెల్‌ఫోన్‌ కాల్ లిస్ట్ ఆధారంగా కూపీ లాగడంతో అసలు విషయం బయటకు వచ్చింది.
