ఆర‌డుగుల బుల్లెట్‌.. ఈ సినిమా గుర్తుందా? గోపీచంద క‌థానాయ‌కుడిగా, బి.గోపాల్ ద‌ర్శ‌క‌త్వంలో రూపొందిన సినిమా. కాంబినేష‌న్ కాస్త ఆర్డ్ గా ఉంది క‌దా? అందుక‌నేనేమో.. సినిమా కూడా అలానే త‌యారైంది. ఎన్నో ఆటంకాల మ‌ధ్య పూర్త‌యినా, ఇప్ప‌టి వ‌ర‌కూ విడుద‌ల‌కు నోచుకోలేదు. చాలాసార్లు విడుద‌ల తేదీ ప్ర‌క‌టించినా, వాయిదా ప‌డుతూ వ‌చ్చింది. ఈ సినిమా ఆర్థిక స‌మ‌స్య‌ల్లో ప‌డిపోవ‌డం వ‌ల్ల, కోర్టు గొడ‌వ‌ల వ‌ల్ల.. విడుద‌ల కాలేదు.
ఇన్నాళ్ల‌కు ఓటీటీ పుణ్య‌మా.. అని `ఆర‌డుగుల బుల్లెట్‌` దూసుకెళ్ల‌డానికి రెడీ అయ్యింది. ఈ సినిమాని ఓటీటీలో విడుద‌ల చేయ‌డానికి నిర్మాత‌లు ప్లాన్ చేస్తున్నారు. ముంద‌స్తుగా కోర్టు నుంచి క్లియ‌రెన్సులు తీసుకున్నార‌ని స‌మాచారం. ఈ సినిమా విడుద‌ల చేసుకోవ‌డానికి న్యాయ స్థానం అంగీక‌రించింద‌ని, అయితే లావాదేవీల‌న్నీ న్యాయ‌స్థానానికి ముంద‌స్తు స‌మాచారం ఇచ్చి చేసుకోవాల‌ని ఆదేశించింది. ఈ సినిమాపై అప్పు ఇచ్చిన‌వాళ్లంతా గ‌తంలో న్యాయ స్థానాన్ని ఆశ్ర‌యించి, సినిమా విడుద‌ల కాకుండా స్టే తీసుకొచ్చారు. ఎవ‌రికి అమ్ముకున్నా స‌రే, ఆ మొత్తాన్ని న్యాయ‌స్థానానికి చెల్లించి సినిమాని విడుద‌ల చేసుకోవాల‌ని కోర్టు సూచించింది. దాంతో ఈ సినిమా విడుద‌ల‌కు లైన్ క్లియ‌ర్ అయిన‌ట్టైంది. అమేజాన్ ప్రైమ్‌, జీ 5ల‌తో చిత్ర నిర్మాత చ‌ర్చ‌లు మొద‌లెట్టాడు. త్వ‌ర‌లోనే ఓ నిర్ణ‌యానికి రావొచ్చు.
