అబ్బాయిలే కాదు.. అమ్మాయిలు కూడా దారి తప్పుతారు. కానీ దారి తప్పిన అమ్మాయిల విషయంలో నిజాలు చెప్పడానికి చాలా మంది భయపడతారు. కానీ అప్పుడప్పుడు కొన్ని సంఘటనల్లో నిజాలు బయట పెట్టక తప్పదు. ఇప్పుడు హైదరాబాద్ శివారులోని ఘట్‌కేసర్‌లో జరిగిన సామూహిక అత్యాచార ఘటనలో నిజానిజాలు బయటకు వచ్చేసరికి అందరూ ఔరా అని నోరు తెరవాల్సి వచ్చింది.
మూడు రోజుల కిందట.. రాత్రి తొమ్మిది గంటల సమయంలో ఘట్‌కేసర్ వద్ద ఓ అమ్మాయి నగ్నంగా పడి ఉంది. తనపై సామూహిత అత్యాచారం జరిగిందని.. ఆటో డ్రైవర్లు చేశారని ఆమె తల్లికి చెప్పడంతో తల్లి.. పోలీసులకు సమాచారం ఇచ్చింది. పోలీసులు ఆమెను అపస్మారక స్థితిలో పడి ఉండగా కనిపెట్టి.. ఆస్పత్రికి తరలించారు. ఈ కేసును చాలెంజ్‌గా తీసుకుని విచారణ ప్రారంభించారు.
అమ్మాయి తల్లికి… ఆ అమ్మాయి తనను ఆటో డ్రైవర్లు అత్యాచారం చేశారని చెప్పింది. ఆ దిశగానే పోలీసులు దర్యాప్తు చేశారు. కానీఎక్కడా ఆటోడ్రైవర్ల ఆచూకీ కనిపించలేదు. కానీ ఓ మారుతీ వ్యాన్‌లో ఎక్కుతున్న దృశ్యాలు మాత్రం వెలుగులోకి వచ్చాయి. వాటిని బట్టి తీగ లాగారు. వారెవరూ ఆటోడ్రైవర్లు కాదని తేలింది. అంతే కాదు.. వారిలో ఒకరు ఆ అమ్మాయి ప్రియుడని.. మిగతా వారు.. అతని సోదరులని తేలింది. మొత్తంగా సాక్ష్యాలు వివరాలు.. అన్నీ సేకరించగా.. పోలీసులకు మైండ్ బ్లాంక్ అయిపోయింది. అట్నుంచి అటు ఆస్పత్రికి వెళ్లి అమ్మాయిని కాస్త గట్టిగా ప్రశ్నిస్తే చెప్పాల్సింది మొత్తం చెప్పేసింది. దాంతో కేసు మిస్టరీ వీడిపోయింది.
అది సామూహిక అత్యాచారం కాదు. ఇష్టపూర్వకంగా జరిగింది. ఆ యువతికి గంజాయి అలవాటు ఉంది. ఆమెకు ఓ ప్రియడు ఉన్నాడు. అతను కూడా గంజాయి బానిస. ఘటన జరిగిన రోజు… ప్రియుడితో పాటు గంజాయి తాగడానికి రాత్రి పూట వెళ్లింది. ప్రియుడితో పాటు ఆమె సోదరులు వచ్చారు. ఆమె అంగీకారంతోనే ముగ్గురు ఆమెతో శృంగారంలో పాల్గొన్నారు. అయితే ఆమె తల్లి అదే పనిగా ఫోన్ చేస్తూండటంతో… తనపై ఆటో డ్రైవర్లు అత్యాచారం చేశారని కథ చెప్పింది. ఈ మొత్తాన్ని ఆమె అంగీకరించింది.
జరిగే ప్రతి నేర ఘటనలోనూ రెండు కోణాలు ఉంటాయి. అయితే ప్రతీ సారి ఒక్కటే హైలెట్ అవుతూ ఉంటుంది. కానీ.. ఈ సారి మాత్రం… కాస్త సందేహించాల్సి వచ్చినా నిజాన్ని బయట పెట్టడానికి పోలీసులు పెద్దగా ఆలోచించలేదు.
