టెంప‌ర్ , నాన్న‌కు ప్రేమ‌తో సినిమాతో మ‌ళ్లీ ఫామ్ లోకి వ‌చ్చాడు ఎన్టీఆర్. ఇప్పుడు అంద‌రి దృష్టీ జ‌న‌తా గ్యారేజ్‌పైనే ఉంది. ఈ సినిమాతో ఎన్టీఆర్ హ్యాట్రిక్‌కొడితే చూడాల‌ని ఆయ‌న అభిమానులు ఆశ ప‌డుతున్నారు. దానికి తోడు ద‌ర్శ‌కుడు కొర‌టాల శివ‌కీ ఇది హ్యాట్రిక్ సినిమానే. మిర్చి, శ్రీ‌మంతుడు.. ఇప్పుడు జ‌న‌తా గ్యారేజ్. ఈ సినిమా హిట్ట‌యితే కొర‌టాల రేంజ్ అమాంతం పెర‌గ‌డం ఖాయం. సో.. ఆయ‌నా ఈ సినిమాని స‌క్సెస్ చేయాల‌న్న ప‌ట్టుద‌ల‌తో ఉన్నాడు. ఈ సినిమాకి పాజిటీవ్ బ‌జ్ రావ‌డంతో… అన్ని ఏరియాలూ ఫ్యాన్సీ రేట్ల‌కు అమ్ముడుపోయాయి. ఈ సినిమాలో ఎన్టీఆర్ ఎలా ఉంటాడు?? ఎలాంటి డైలాగులు చెబుతాడు? ఇంత‌కీ ఈ సినిమా ఫ్లేవ‌ర్ ఏంటి? అనే ఆస‌క్తి నెల‌కొంది. దానికి జ‌న‌తా గ్యారేజ్ టీమ్ కూడా కాస్త క్లూ ఇవ్వ‌బోతోంది.. టీజ‌ర్‌ద్వారా.
ఎన్టీఆర్ పుట్టిన రోజుకి ఫ‌స్ట్ లుక్‌తో స‌రిపెట్టింది జ‌న‌తా గ్యారేజ్ టీమ్. ఇప్పుడు టీజ‌ర్ విడుద‌ల చేయ‌డానికి రెడీ అయ్యింది. జులై 6న జ‌న‌తా గ్యారేజ్ టీజ‌ర్ విడుద‌ల చేస్తార‌ట. ఈ విష‌యాన్ని జ‌న‌తా గ్యారేజ్ చిత్ర‌బృందం అఫీషియ‌ల్‌గా ధృవీక‌రించింది. ఆడియో ఫంక్ష‌న్ ఖ‌మ్మంలో చేస్తార‌న్న ప్ర‌చారం జ‌రుగుతోంది. అయితే దీనిపై ఓ క్లారిటీ రావాల్సివుంది. టీజ‌ర్‌కి మాత్రం ముహూర్తం రెడీ అయిపోయింది. ఫ్యాన్స్‌.. సిద్ధ‌మైపోండిక.
