రామ్ సినిమాకీ అదే స‌మ‌స్య‌

రామ్ ప్ర‌స్తుతం `ది వారియర్‌`తో బిజీగా ఉన్నాడు. ఆ వెంట‌నే బోయ‌పాటి శ్రీ‌నుతో ఓ సినిమా ఖ‌రారు అయ్యింది. ప్ర‌స్తుతం ఈ సినిమా స్క్రిప్టు ప‌నుల్లో బోయ‌పాటి శ్రీ‌ను బిజీ.. బిజీ. ఇందులో ఓ క‌థానాయిక‌గా ర‌ష్మిక పేరు ఖ‌రారు చేశార‌ని వార్త‌లొచ్చాయి. ర‌ష్మిక ద‌గ్గ‌ర‌కు ప్ర‌పోజ‌ల్ వెళ్లిన మాట వాస్త‌వ‌మే. అయితే.. త‌ను ఇంకా డైలామాలోనే ఉంద‌ని ఇన్ సైడ్ వ‌ర్గాల టాక్‌. ర‌ష్మిక య‌స్ అనీ, నో అని చెప్ప‌లేద‌ని, టీమ్ ని స‌స్పెన్స్‌లోనే ఉంచింద‌ని తెలుస్తోంది. అందుకు అనేక కార‌ణాలున్నాయి. ర‌ష్మిక ఇప్పుడు విజ‌య్ సినిమాని ఓకే చేసింది. ఆ సినిమాకి కాల్షీట్లు స‌ర్దుబాటు చేయ‌డం క‌ష్ట‌మ‌వుతోంది.
మ‌రోవైపు ఈ సినిమాకి ర‌ష్మిక ఓకే చెబితే స‌రిపోదు. మ‌రో క‌థానాయిక కూడా ఉంది. అందుకోసం ఓ బాలీవుడ్ హీరోయిన్ ని దించాల‌ని ప్ర‌య‌త్నం. అయితే ఆ హీరోయిన్ ఎవ‌ర‌న్న‌ది ఇంకా స్ప‌ష్టం కాలేదు. నాలుగైదు ఆప్ష‌న్లు చేతిలో ఉన్నా.. వాళ్లెవ‌రూ ప్ర‌స్తుతానికి అందుబాటులో లేర‌ని స‌మాచారం. ఈ సినిమాకి కావ‌ల్సిన ఇద్ద‌రు హీరోయిన్లూ… ఇంకా ఖ‌రారు కాక‌పోవ‌డంతో చిత్ర‌బృందం కొంచెం టెన్ష‌న్‌లో ఉంద‌ని తెలుస్తోంది. ఈమ‌ధ్య సినిమాలన్నింటికీ హీరోయిన్ల‌తోనే చిక్కొస్తోంది. ఎడాపెడా సినిమాలు మొద‌లైపోవ‌డంతో హీరోయిన్లంతా బిజీ అయిపోయారు. దాంతో సినిమాల‌కు కావ‌ల్సిన హీరోయిన్లు దొర‌క‌డం లేదు. ఇప్పుడు రామ్ సినిమాకీ అదే స‌మ‌స్య ఏర్ప‌డిన‌ట్టైంది.