పూరి జ‌గ‌న్నాథ్ అంటేనే పక్కా మాస్. ఆయ‌న సినిమాలు, క‌థ‌లు, హీరోల క్యారెక్ట‌రైజేష‌న్లే కాదు. టైటిళ్లూ పక్కా మాస్ గా ఉంటాయి. తాజాగా ఆయ‌న విజ‌య్ దేవ‌ర‌కొండ‌తో ఓసినిమా చేస్తున్నారు. ఈ సినిమాకి `లైగర్`, `ఫైట‌ర్‌` అనే రెండు టైటిళ్లు ప్ర‌చారంలో ఉన్నాయి. చివ‌రికి `లైగర్` అనే టైటిల్ ఫిక్స్ చేశారు. సింహానికీ, పులికీ.. క్రాస్ బ్రీడ్ చేస్తే.. పుట్టేదాన్ని లైగర్ అంటారు. అందుకే.. స‌బ్ టైటిల్ కూడా… `సాలా.. క్రాస్ బ్రీడ్` అని ఫిక్స్ చేశారు. ఫ‌స్ట్ లుక్ కూడా విడుద‌లైంది. సింహం, పులి.. బ్యాక్ గ్రౌండ్ లో క‌నిపిస్తుంటే, ఫ్రంట్ గ్రౌండ్ లో.. బాక్సింగ్ గ్లౌజుల‌తో.. పంచ్‌లు విసురుతున్నాడు విజ‌య్ దేవ‌ర‌కొండ. ఇస్మార్ట్ శంక‌ర్ త‌ర‌వాత.. పూరి నుంచి వ‌స్తున్న సినిమా ఇది. బాక్సింగ్ నేప‌థ్యంలో సాగుతుంది. ముంబైలో కొంత భాగం తెర‌కెక్కించారు. త్వ‌ర‌లోనే ముంబైలోనే షూటింగ్ మొద‌లు పెడ‌తారు.
లైగర్: సాలా… వీడు క్రాసు బ్రీడురోయ్‌!
