‘గీత గోవిందం’.. వంద కోట్ల సినిమా. ఇలాంటి హిట్టు కొట్టిన త‌ర‌వాత కూడా ప‌ర‌శురామ్ జాత‌కం ఏమాత్రం మార‌లేదు. ఈ సినిమా విడుద‌లై యేడాది దాటినా, ఇప్ప‌టి వ‌ర‌కూ ప‌ర‌శురామ్ సినిమా ఏదీ ప‌ట్టాలెక్క‌లేదు. క‌నీసం త‌నకు ఓ హీరో కూడా దొర‌క‌లేదు. ప‌ర‌శురామ్ ఓ క‌థ త‌యారు చేసుకుని మహేష్ బాబు ద‌గ్గ‌ర‌కు వెళ్లాడు. కొన్ని రోజులు తిప్పించుకున్న త‌ర‌వాత.. మహేష్ ‘నో’ అన్నాడు. అఖిల్ దగ్గ‌ర‌కూ ఈ క‌థ వెళ్లింది. కానీ కుద‌ర్లేదు. ఆ క‌థ ప‌క్క‌న పెట్టేసి ఓ రొమాంటిక్ ఎంట‌ర్‌టైన‌ర్ లైన్ రాసుకుని నాని కి చెప్పాడు. నాని ‘చూద్దాం.. చేద్దాం’ అంటూ వ‌చ్చాడు. ఇప్పుడు తాను కూడా సైడ్ అయిపోయిన‌ట్టు టాక్‌. ఈ క‌థే… విజ‌య్ దేవ‌ర‌కొండ ద‌గ్గ‌ర‌కు వెళ్లింద‌ని – విజ‌య్ ‘ఇది గీతా గోవిందం లానే ఉంది క‌దా’ అంటూ ప‌క్క‌న పెట్టేశాడ‌ని టాక్‌. అలా.. వంద కోట్ల ద‌ర్శ‌కుడు సైతం – హీరోలు దొరక్క స‌త‌మ‌త‌మ‌వుతున్నాడు. ప‌ర‌శురామ్ టార్గెట్ పెద్ద హీరోల‌తో సినిమా. విజ‌య్ దేవ‌ర‌కొండ, అంత‌కంటే ఎక్కువ రేంజ్ ఉన్న హీరోల‌తోనే సినిమా చేద్దామ‌నుకుంటున్నాడు. కాక‌పోతే.. ఆ జోన‌ర్‌లో హీరోలంతా బిజీ బిజీగా ఉన్నారు. ప‌ర‌శురామ్ ఓ మెట్టు దిగితే – సినిమాలు చేయ‌డానికి హీరోలు రెడీగానే ఉన్నారు.కానీ.. ప‌ర‌శురామ్ మాత్రం ఆ దిశ‌గా ఆలోచించ‌డం లేదు. అందుకే ఈ గ్యాప్ అలా పెరుగుతూ ఉంది.
నాని కూడా ‘నో’ చెప్పేశాడు
