బీజేపీతో గ్యాప్ నిజమేనంటున్న పవన్..!

భారతీయ జనతా పార్టీతో గ్యాప్ ఉందని జనసేన అధినేత పవన్ కల్యాణ్ అంగీకరించారు. ప్రకాశం జిల్లా పర్యటనలో ఉన్న ఆయన గిద్దలూరు ఎమ్మెల్యే అన్నా రాంబాబు కారణంగా ఆత్మహత్య చేసుకున్న కార్యకర్త వెంగయ్యనాయుడు కుటుంబాన్ని పరామర్శించారు. రూ. ఎనిమిదిన్నర లక్షల ఆర్థిక సాయం అందించారు. తర్వాత ఎస్పీని కలిసి అన్నా రాంబాబుపై చర్యలు తీసుకోవాలని కోరారు. ఈ సందర్భంగా మీడియాతో మాట్లాడిన పవన్… వైసీపీకి గట్టి హెచ్చరికలు పంపించారు. అదే సమయంలో… రాజకీయాలపైనా మాట్లాడారు. భారతీయ జనతా పార్టీతో గ్యాప్ ఉందని అంగీకరించారు. బీజేపీతో పొత్తు పెట్టుకున్న తర్వాత.. ఆ పార్టీ జాతీయ నేతలు పవన్ కల్యాణ్‌కు గౌరవం ఇస్తున్నారు కానీ.. రాష్ట్ర నేతలు మాత్రం తీసి పడేస్తున్నారు.

పవన్ కల్యాణ్ అంటే బ్లాంక్ చెక్ అని.. తాము వాడేసుకోవచ్చన్నట్లుగా మాట్లాడుతున్నారు. గ్రేటర్ హైదరాబాద్ ఎన్నికల్లో బీజేపీ గెలవాలని తాము పోటీ నుంచి విరమించుకోవడాన్ని మరింత అలుసుగా తీసుకున్నారు. అప్పట్లోనే తెలంగాణ నేతలు వ్యతిరేక వ్యాఖ్యలు చేశారు. ఇప్పుడు… ఏపీ నేతలు చేస్తున్నారు. పూర్తిగా చర్చలు జరపకుండానే… తిరుపతి నుంచి బీజేపీ పోటీ చేస్తుందని.. పవన్ అంగీకరించారని… జనసేన మద్దతు ఇస్తుందని సోము వీర్రాజు ప్రకటించేశారు. ఆ తర్వాత కూడా వారి దూకుడు తగ్గలేదు. అయితే పవన్ కల్యాణ్ మాత్రం.. అలాంటి దూకుడు ప్రకటనలు చేయడంలేదు. ఏపీ బీజేపీ నేతల తీరుపై జనసేన నేతలు కూడా అసహనం వ్యక్తం చేశారు. అందుకే పవన్ .. బీజేపీతో గ్యాప్ గురించి ప్రస్తావించారు.

తన పని తాను చేసుకుపోతున్నారు. మొదట్లో.. రెండు పార్టీలు కలిసి ఓ సమన్వయ కమిటీ ఏర్పాటు చేసుకుని ఆ ప్రకారం.. కలిసి రాజకీయ కార్యక్రమాలు చేపట్టాలనుకున్నారు కానీ.. ఆ తర్వాత జనసేనను పక్కన పెట్టి.. బీజేపీ తన పనులు తాను చేసుకుంది. దీంతో పవన్ కూడా తన రాజకీయం తాను చేసుకుంటున్నారు. ఇప్పుడు గ్యాప్ ఉందని పవన్ అంగీకరించారు. ఆ గ్యాప్ ఫిల్ అవుతుందా.. లేక తిరుపతి ఉపఎన్నికతో మరింత పెరిగి కట్ అవుతుందో వేచి చూడాలి.. !

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గంటా చేరిక ఫైల్ జగన్ వద్ద ఉందట..!

గంటా శ్రీనివాసరావు మళ్లీ టీడీపీలో యాక్టివ్‌గా మారుతున్నారనో.. లేకపోతే.. ఆయన నియోజకవర్గంలో టీడీపీ అభ్యర్థులకు ఓట్లేసినా తర్వాత వైసీపీలో చేరుతారని చెప్పడానికో కానీ విజయసాయిరెడ్డి గంటా మెడలో గంట కట్టారు. గంటా శ్రీనివాసరావు...

రూ. ఏడు కోట్లతో సీఎం జగన్‌కు కొత్త కాన్వాయ్..!?

ఆంధ్రప్రదేశ్ ముఖ్యమంత్రి సీఎం జగన్‌కు కొత్త కాన్వాయ్ కొనుగోలు చేయాలని ప్రభుత్వం నిర్ణయించింది. పది వాహనాలతో కూడిన కాన్వాయ్ కోసం రూ. ఏడు కోట్ల వరకూ ఖర్చు పెట్టనున్నారు. ఈ మేరకు...
video

‘వ‌కీల్ సాబ్’ పాట‌: ప‌వ‌న్‌ పొలిటిక‌ల్ మైలేజీ కోస‌మా?

https://www.youtube.com/watch?v=SBMZA5-pe30 వకీల్ సాబ్ ప్ర‌మోష‌న్ల‌లో భాగంగా... ఇది వ‌ర‌కు `మ‌గువ మ‌గువ‌` పాట‌ని విడుద‌ల చేసింది చిత్ర‌బృందం. పింక్ సినిమాకి ఇది రీమేక్‌. `పింక్‌` అనేది అమ్మాయి క‌థ‌. దానికి త‌గ్గ‌ట్టుగానే వాళ్ల కోణంలో,...

స్వరూపానందకు మొక్కులు…! సీపీఐ ఇజ్జత్ తీసేసిన నారాయణ..!

కమ్యూనిస్టులు అంటే కరుడుగట్టిన హేతువాదులు. వారు వాస్తవిక వాదాన్నే నమ్ముతారు. మానవత్వాన్ని.. మంచిని నమ్ముతారు కానీ.. దేవుళ్లను కాదు. ఇలాంటి భావజాలం ఉన్న వారే కమ్యూనిస్టులు అవుతారు. ఆ పార్టీల్లో పై స్థాయికి...

HOT NEWS

[X] Close
[X] Close