ఎక్క‌డ ఓడిపోయామో అక్క‌డే గెలవాలి అని ఫిక్స‌య్యాడేమో…. ఇప్పుడు బాలీవుడ్‌లో ఓ సినిమా చేయ‌డానికి ప్రిపేర్ అయిపోతున్నాడు రామ్‌చ‌ర‌ణ్‌. 2016లో కాక‌పోయినా.. 2017లో అయినా అక్క‌డో సినిమా చేస్తా అంటున్నాడీ మెగా హీరో. గతంలో జంజీర్ సినిమాతో ఓ డిజాస్ట‌ర్ మూట‌గ‌ట్టుకొన్నాడు చరణ్. ఆ సినిమాకి క‌నీస ఓపెనింగ్స్ కూడా రాలేదు. ఆర్థికంగా ఆ సినిమా అతి పెద్ద ఫ్లాప్‌. దాంతో పాటు చరణ్ న‌ట‌న‌ని కూడా అక్క‌డివాళ్లు ఎగ‌తాళి చేశారు. అందుకే.. ఇప్పుడు అక్క‌డ ఓ హిట్టుకొడితేగానీ మ‌న‌శ్శాంతి ఉండ‌ద‌ని చరణ్ భావిస్తున్నాడేమో?
ఈసారి మాత్రం జంజీర్‌లా చేదు అనుభ‌వం ఎదురు కాకూడ‌ద‌ని జాగ్ర‌త్త‌ప‌డుతున్నాడ‌ట చరణ్. ప్రొడ‌క్ష‌న్ విష‌యంలో త‌న మిత్రుడు స‌ల్మాన్ ఖాన్ స‌హాయం తీసుకోవాల‌ని భావిస్తున్నాడు. దానికి స‌ల్మాన్ ఖాన్ కూడా ఓకే అన్నాడ‌ట. ఈ సినిమాకి స‌ల్మాన్ ఖాన్ నిర్మాత‌గా వ్య‌వ‌హ‌రించే అవ‌కాలున్నాయ‌ని మెగా కాంపౌండ్ వ‌ర్గాలు చెబుతున్నాయి. సినిమా తీస్తాడు స‌రే.. మ‌ళ్లీ జంజీర్‌లాంటి ఫ‌లితం వ‌స్తే అప్పుడు ప‌రిస్థితి ఏంటి? తెలుగునాటే చరణ్ బాబుకి స‌రైన హిట్స్ ప‌డ‌డం లేదు. అలాంటిది బాలీవుడ్‌లో ఉద్ధ‌రించాల‌నుకోవ‌డం పొర‌పాటే. ముందు ఇంట గెలిస్తే.. ఆ త‌ర‌వాత ర‌చ్చ గురించి ఆలోచించొచ్చు. మరి చరణ్ కి ఈ సంగతి చెప్పేదెవ‌రు?
