అఫీషియ‌ల్‌: స‌ల్మాన్ తో ర‌ష్మిక‌

ర‌ష్మిక జాక్ పాట్ కొట్టేసింది. ఓ క్రేజీ సినిమాలో ఆఫ‌ర్ అందుకొంది. స‌ల్మాన్ ఖాన్ క‌థానాయ‌కుడిగా మురుగ‌దాస్ ద‌ర్శ‌క‌త్వంలో ఓ చిత్రం రూపొందుతోంది. `సికింద‌ర్‌` అనే టైటిల్ ఫిక్స్ చేశారు. ఇందులో ర‌ష్మిక‌ని క‌థానాయిక‌గా ఎంచుకొన్నారు. ఈ విష‌యాన్ని ర‌ష్మిక స్వ‌యంగా సోష‌ల్ మీడియా ద్వారా అభిమానుల‌తో పంచుకొంది. ‘పుష్ష‌’ త‌ర‌వాత బాలీవుడ్ లో ర‌ష్మిక‌కంటూ ఓ ఫ్యాన్ బేస్ ఏర్ప‌డింది. `యానిమ‌ల్‌`లోనూ మెప్పించింది. రెండు సినిమాలూ సూప‌ర్ డూప‌ర్ హిట్ట‌య్యాయి. అందుకే బాలీవుడ్ నుంచి వ‌రుస ఆఫ‌ర్లు అందాయి. కానీ ర‌ష్మిక మాత్రం త‌దుప‌రి చిత్రాన్ని ఆచి తూచి ఎంచుకొనే ప‌నిలో ప‌డింది. స‌ల్మాన్ – మురుగ‌దాస్ అంటే క్రేజీ కాంబో. పైగా మురుగ‌దాస్ సినిమాల్లో క‌థానాయిక‌ల పాత్ర‌ల‌కు చాలా ప్రాధాన్యం ఉంటుంది. అందుకే ర‌ష్మిక మ‌రేం ఆలోచించ‌కుండా ఈ సినిమాకు ఓటేసింది. ర‌ష్మిక చేతిలో ఇప్పుడు చాలా ప్రాజెక్టులు ఉన్నాయి. ధ‌నుష్ సినిమా ‘కుబేర‌’లో త‌నే క‌థానాయిక‌. ‘రెయిన్ బో’, ‘గాళ్ ఫ్రెండ్‌’ అనే మ‌రో రెండు సినిమాలు చేస్తోంది. ఇవి రెండూ నాయికా ప్రాధాన్యం ఉన్న క‌థ‌లే. ‘పుష్ష 2’ ఈ ఆగ‌స్టులో ప్రేక్ష‌కుల ముందుకు రానుంది.