ఆర్కే పలుకు : కేసీఆర్‌ను భయపెట్టాలనుకుంటున్న ఆర్కే !

ఆంధ్రజ్యోతి ఎండీ వేమూరి రాధాకృష్ణ ఒక వారం చెప్పినదానికి మరో వారం చెప్పేదానికి పొంతన ఉండటం లేదు. తనకు ఖచ్చితమైన సమాచారం ఉందన్నట్లుగా తన ఆర్టికల్‌లో మసాలా దక్కించి రాస్తారు. తర్వాత వారం తూచ్ అంటారు. ఇటీవలి కాలంలో ఇది మరీ ఎక్కువైపోయింది. గతంలో పలుమార్లు తన కొత్తపలుకులో కేసీఆర్‌ను జైలకు పంపడం ఖాయం.. రాష్ట్రపతి ఎన్నికలు ముగియడమే ఆలస్యం అని వాదించారు. కానీ ఇప్పుడు రాష్ట్రపతి ఎన్నికలు ముగిసిన తర్వాత కేసీఆర్‌పై కేసులు పెట్టడానికి బీజేపీ సిద్ధంగా లేదని కానీ ఆయన సన్నిహిత వ్యాపారవేత్తలను మాత్రం టార్గెట్ చేస్తుందని చెబుతున్నారు.

బీజేపీ వ్యూహాలను అర్థం చేసుకోవడంలో ఆర్కే కూడా విఫలమవుతున్నారు. గతంలో చంద్రబాబు పదవి ఉడగొట్టినట్లే ఇప్పుడు కేసీఆర్ పదవి ఉడగొట్టడానికి ప్రయత్నిస్తుంది కానీ కేసులు పెట్టి .. అరెస్టులు చేయించడం.. వేధించడం వంటిది చేయదని అంటున్నారు. చంద్రబాబును ఎలా నియంత్రించారంటే.. ఎన్నికల్లో వారికి ఆర్థిక సాయం అందకుండా అడ్డుకోవడం ద్వారా ఓడించారని ఆర్కే చెబుతున్నారు. అయితే ప్రజలు వ్యతిరేకంగా ఓట్లు వేయకుండా ఎవరూ ఓడిపోయారు. డబ్బులు అందనంత మాత్రాన ఓటమి రాదనే విషయాన్ని ఆర్కే చెప్పలేకపోతున్నారు.

ఆర్కే లక్ష్యం ఎలాగైనా సరే .. బీజేపీకి వ్యతిరేకంగా కేసీఆర్ వెళ్లకూడదన్న అజెండాతో ఆయనచాలా కాలంగా ఈ కొత్త పలుకు వినిపిస్తున్నట్లుగా ఉంది. అనవసరంగా మోదీతో పెట్టుకుంటే రాజకీయంగా భూస్థాపితం అవడం ఖాయమని ఆయన హెచ్చరికలు జారీ చేస్తున్నారు. కేసీఆర్ అచ్చమైన రాజకీయ నాయకుడు. ఏం చేస్తే ఏం వస్తుందో ఆయనకు తెలుసు. అయితే ఆయన ముందడుగు వేయకుండా కట్టడి చేయడానికి ఆర్కే ప్రయత్నాలు చేస్తున్నట్లుగా కనిపిస్తోంది. ఇప్పటివరకూ ఆయనపై కేసులు పెడతారని..జైలుకు పంపిస్తారని వాదించిన ఆయన ఇప్పుడు ఆయన సన్నిహితులపై గురి పెట్టారని చెబుతున్నారు.

ఆర్కే కొత్తపలుకులో తన రాజకీయ విశ్లేషణ కాకుండా తాను కోరుకుంటున్న రాజకీయం కోసం మైండ్ గేమ్ ఆడేందుకు ప్రయత్నిస్తున్నారన్న అభిప్రాయం ఎవరికైనా కలుగుతుంది. ఇప్పటి వరకూ ఏపీ రాజకీయాల్లోనే ఆయన ఇలాంటి కామెంట్స్ చేసేవారు. కానీ తెలంగాణ రాజకీయాల్లోనూ ఆయన బీజేపీ తరపున వకాల్తా పుచ్చుకున్నట్లుగా రాస్తున్నారు. మోదీ, షాలను ఎదుర్కొనే శక్తి దేశంలో ఎవరికీ లేదని చెప్పడమే దీనికి సంకేతం. ప్రజాస్వామ్యంలో ఏదైనా జరొగచ్చు… బలవంతులు ఎవరూ ఉండరు. దీనికి శ్రీలంకే ఉదాహరణ. ఏదైనా ఘటన జరిగే వరకూ ఇలా మన దగ్గర జరగడం అసాధ్యం అనుకుంటారు. కానీప్రజల్ని తక్కువ అంచనా వేయకూడదు. ఈ లాజిక్‌ను ఆర్కే మర్చిపోతున్నారు. మోడీ, షాలను మోసేస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్ర‌భాస్ ఫ్యాన్స్‌ని వెంటాడుతున్న `రెబ‌ల్‌` భ‌యం

స‌లార్ రిలీజ్ డేట్ ఫిక్స‌య్యింది. సెప్టెంబ‌రు 28, 2023న ఈ సినిమాని రిలీజ్ చేస్తామ‌ని నిర్మాత‌లు ప్ర‌క‌టించారు. దాంతో ప్ర‌భాస్ ఫ్యాన్స్ హ్యాపీ ఫీలైపోయారు. ఎందుకంటే ఇలాంటి అప్ డేట్ కోస‌మే వాళ్లు...

కులాల లెక్కలేసుకుంటే జనసేనకు 40 సీట్లొచ్చేవి : పవన్

కుల , మతాలు లేని రాజకీయం రావాలని జనసేన అధినేత పవన్ కల్యాణ్ ఆకాంక్షించారు. మంగళగిరిలో స్వాతంత్ర్య దినోత్సవ వేడుకల్లో జెండా ఆవిష్కరించిన తర్వాత మాట్లాడారు. ఈ సందర్భంగా కుల, మతాల...

‘స‌లార్’ అప్‌డేట్‌: రిలీజ్ డేట్ ఫిక్స్‌

ప్ర‌భాస్ ఫ్యాన్స్ ఎప్ప‌టి నుంచో.. ఎదురుచూస్తున్న అప్ డేట్ వ‌చ్చేసింది. 'స‌లార్‌' రిలీజ్ డేట్ ఫిక్స‌య్యింది. 2023 సెప్టెంబ‌రు 28న ఈ చిత్రాన్ని విడుద‌ల చేస్తున్న‌ట్టు చిత్ర బృందం అధికారికంగా ప్ర‌క‌టించింది. ఈ...

బింబిసార విజయ రహస్యం ఇదేనా?

కరోనా తర్వాత ప్రేక్షకులు థియేటర్ కి రావడం తగ్గిపోయిందనే మాట సర్వాత్ర వినిపిస్తోంది. దీనికి కారణం ఓటీటీ ప్రభావమని కొందరంటే.. సినిమా టికెట్ రేట్లు ఇష్టం వచ్చినట్లు పెంచి మళ్ళీ తగ్గించి ప్రేక్షకుడికి...

HOT NEWS

css.php
[X] Close
[X] Close