డ్యామేజ్ కంట్రోల్ ప్రయత్నాల్లో “సాక్షి”

నిన్న పవన్ కళ్యాణ్ పై “ కార్లు మార్చేసినట్టు పెళ్ళాలు మారుస్తాడు, ఆయనకు నలుగురు భార్యలు” అంటూ వ్యక్తిగత విమర్శలు చేసి జగన్ సెల్ఫ్ గోల్ వేసుకున్న తర్వాత వైఎస్ఆర్సిపి పార్టీ అభిమానులు కూడా తల పట్టుకుని కూర్చున్నారు. అయితే, అందరికంటే ముందుగా చేరుకున్న “సాక్షి”, వెంటనే డ్యామేజ్ కంట్రోల్ ప్రయత్నాలు ప్రారంభించినట్టు అర్థమవుతొంది.

మామూలుగా జగన్ చేసే వ్యాఖ్యలను ప్రముఖంగా స్క్రోలింగ్ ఇచ్చే సాక్షి ఛానల్, జగన్ పవన్ కళ్యాణ్ మీద చేసిన రాజకీయ విమర్శలను మాత్రమే ప్రముఖంగా చూపిస్తూ, వ్యక్తిగత విమర్శలను దాచేసింది. సాక్షి పత్రికలో కూడా ఇవాళ, “ ఆరు నెలలకు ఒకసారిబయటకు వచ్చి వ్యక్తి కూడా మాట్లాడటమే” అంటూ హెడ్డింగ్ బెట్టి ఒక మూలన చిన్న వార్త లో, ఈ వ్యాఖ్యలను కవర్ చేసింది.

ఇక ఇవన్నీ ఒక ఎత్తయితే, పవన్ కళ్యాణ్ నిన్న చేసిన వ్యాఖ్యలను ప్రముఖంగా స్క్రోలింగ్ ఇస్తూ “ బాలకృష్ణ ఇంట్లో కాల్పులపై పవన్ సంచలన వ్యాఖ్యలు” అంటూ స్క్రోలింగ్ ఇస్తున్నారు. నిన్న పవన్ కళ్యాణ్, జనసేన అభిమానులపై అన్యాయంగా పెడుతున్న కేసుల గురించి ప్రస్తావిస్తూ , “జనసేన అభిమానుల బైక్ కి సైలెన్సర్ లేక శబ్దం ఎక్కువ వస్తుందని పోలీసులు కేసులు పెడుతున్నారు, అటుపక్క ఇంట్లో కాల్పులు జరిపిన వాళ్ళు బయట హాయిగా తిరుగుతున్నారు” అంటూ పరోక్షంగా బాలకృష్ణ ఇంట్లో కాల్పుల సంఘటన ప్రస్తావించారు. ఈ వార్తను ప్రముఖంగా స్క్రోలింగ్ ఇస్తూ, నిన్న జగన్ చేసిన వ్యాఖ్యలను దాచేస్తూ, డ్యామేజ్ కంట్రోల్ చేయడానికి మొత్తానికి “ సాక్షి” నానా పాట్లు పడుతోంది.

ఏదిఏమైనా, వైఎస్ఆర్సీపీకి, జగన్ కి జరగాల్సిన డ్యామేజ్ ఇప్పటికైతే జరిగిపోయింది. భవిష్యత్తులో ఇలాంటివి పునరావృతం కాకుండా చూసుకోవడం మాత్రమే వాళ్ల చేతుల్లో ఇప్పుడు ఉంది.

Telugu360 is always open for the best and bright journalists. If you are interested in full-time or freelance, email us at [email protected]