త్రివిక్రం శ్రీనివాస్ ప్రస్తుతం చేస్తున్న సినిమా అ…ఆ. నితిన్, సమంత జంటగా నటిస్తున్న ఈ సినిమాలో అనుపమా పరమేశ్వరన్ కూడా ఓ ప్రత్యేక పాత్ర చేస్తుంది. అయితే ఈ సినిమా తర్వాత త్రివిక్రం సూర్య హీరోగా ఓ బైలింగ్వల్ సినిమా చేస్తున్నాడని తెలిసిందే. అత్తారింటికి దారేది, సన్నాఫ్ సత్యమూర్తి, అ..ఆ సినిమాలకు వరుసగా సమంతని హీరోయిన్ గా తీసుకున్న త్రివిక్రం తను చేయబోయే సూర్య సినిమాకు కూడా ఆమెనే తీసుకుంటాడని అనుకున్నారు.
కాని తెలుస్తున్న సమాచారం ప్రకారం త్రివిక్రం సూర్యతో తీసే సినిమాలో సమంత హీరోయిన్ గా తీసుకోవట్లేదట. ఇప్పటికే సూర్య నటిస్తున్న 24 సినిమాలో సమంతనే హీరోయిన్ గా చేస్తుంది. అందుకే సమంత అయితే ఒకటే జంట ప్రేక్షకులకు బోర్ కొట్టే అవకాశం ఉందని సూర్య చెప్పడంతో సమంతని ఆ ప్రాజెక్ట్ నుండి తప్పించారట. ఓ క్రేజీ బ్యూటీ అందులో అవకాసం లభిస్తుందని తెలుస్తుంది.
ప్రస్తుతం తమిళ, తెలుగు భాషల్లో వరుసెంట క్రేజీ ప్రాజెక్ట్స్ చేస్తూ ఫుల్ ఫాంలో ఉన్న సమంత త్రివిక్రం సినిమా అంటే కచ్చితంగా సమంతే హీరోయిన్ అనేంతలా రూమర్స్ వచ్చాయి. మరి త్రివిక్రం ఇచ్చిన ఈ షాక్ కి సమంత ఎలా సమాధానం ఇచ్చి కవర్ చేస్తుందో చూడాలి.
