ప్రతి తెలుగువాడూ గర్వపడే సమయమిది-వెంకటేష్

చరిత్ర సృష్టిస్తున్న రాజమౌళి చిత్రం బాహుబలిని హీరో విక్టరీ వెంకటేష్ చూశారు. రాజమౌళికి, అతని బృందానికి అభినందనలు తెలిపారు. ప్రభాస్, రానా సహా ఇతర నటీనటులు, టెక్నిషియన్స్, విజువల్ ఎఫెక్స్ తదితర వందలాదిమంది టెక్నిషియన్స్ ఈ సినిమాని విజువల్ వండర్ గా తీర్చిదిద్దడానికి కృషి చేశారని అన్నారు. వారందరూ ఇటువంటి సెల్యూలాయి వండర్‌ను సృష్టించినందుకు వారికి ప్రత్యేక కృతజ్ఞతలు చెప్పారు.

ఇటువంటి చిత్రాన్ని రెండు సంవత్సరాల కాలవ్యవధిలోనే ఇంత విజువల్ ఎఫెక్ట్స్‌తో ఒక అద్భుత చిత్రంగా మలిచి ప్రపంచస్థాయిలో తెలుగు సినిమాకి గొప్ప పేరు తీసుకొచ్చారని అన్నారు. అంతర్జాతీయస్థాయి ప్రేక్షకులు సైతం ఈ సినిమాకి నీరాజనాలు పడుతున్నారని చెప్పారు. రాఘవేంద్రరావు, శోభు యార్లగడ్డ, ప్రసాద్ దేవినేనిలకు అభినందనలు తెలిపారు. కథను నమ్మి భారీ బడ్జెట్ తో నిర్మించారని చెప్పారు. వారి కృషి, నమ్మకం తెలుగు సినిమా సామర్థ్యాన్ని చాటి చెప్పిందని అన్నారు. రాజమౌళి, బాహుబలి చిత్రంతో ఓ బెంచ్ మార్క్ ను క్రియేట్ చేశాడని, ప్రతి తెలుగువాడు గర్వపడే సమయమిది అని వెంకటేష్ వ్యాఖ్యానించారు.

Telugu360 is always open for the best and bright journalists. If you are interested in full-time or freelance, email us at [email protected]