మెగా ఫ్యామిలీకీ వినాయ‌క్‌కీ అవినావ భావ సంబంధం ఉంది. చిరుతో రెండు సినిమాలు తీశాడు వినాయక్. రెండూ సూప‌ర్ హిట్టే. బ‌న్నీతో రెండు సినిమాలు చేశాడు. అందులో బ‌న్నీ బాగా ఆడింది. బ‌ద్రినాథ్‌కి డ‌బ్బులు రాలేదు. రామ్ చ‌ర‌ణ్‌తో చేసిన ‘నాయ‌క్‌’ క‌మ‌ర్షియ‌ల్ గా హిట్ట‌య్యింది. దాంతో మెగా ఫ్యామిలీతో ట్యూనింగ్ మ‌రింత‌గా కుదిరింది. ఖైదీ నెం.150 త‌ర‌వాత వినాయక్ కొత్త సినిమా క‌బుర్లేం వినిపించ‌లేదు. స్టార్ హీరోలంతా బిజీగా ఉండ‌డంతో.. వినాయక్ కొంత‌కాలం విరామం తీసుకోక త‌ప్ప‌ద‌నిపించింది. అయితే.. ఇప్పుడు సాయిధ‌ర‌మ్ తేజ్ తో వినాయక్ క‌మిట్ అయిన‌ట్టు తెలుస్తోంది. వినాయక్ – సాయిధ‌ర‌మ్ కాంబోపై చాలా కాలం నుంచి వార్త‌లు విస్తున్నాయి. అయితే అది పక్కానా? కాదా? అనే అనుమానాలు ఉండేవి. ఇప్పుడు క్లారిఫికేష‌న్ వ‌చ్చేసింది. వినాయక్ త‌దుప‌రి సినిమా ఈ మెగా హీరోతోనే. ఈ నెల‌లోనే ఈ చిత్రాన్ని లాంఛ‌నంగా ప్రారంభిస్తార‌ని స‌మాచారం. తేజూ చేతిలో ‘జవాన్’, ‘న‌క్ష‌త్రం’ చిత్రాలున్నాయి. ‘న‌క్ష‌త్రం’లో సాయిధ‌ర‌మ్ తేజ్ ప‌ని అయిపోయింది. ఇప్పుడు `జవాన్` ముగిస్తే వినాయక్ సినిమాకి కాల్షీట్లు ఇచ్చేయొచ్చు.
వినాయక్ సినిమా.. ఈ మెగా హీరోతోనే
