సీబీఐ విచారణ కావాలంటే పార్లమెంట్‌లో ధర్నాలెందుకు..!?

పార్లమెంట్ ప్రాంగణంలో ఉన్న మహాత్ముని విగ్రహం వద్ద వైసీపీకి ఉన్న పాతిక మంది ఎంపీలూ గాంధీ విగ్రహం వద్ద నిరసన తెలిపారు. వారి ప్లకార్డులపై మాత్రం భిన్నమైన నినాదాలున్నాయి. అమరావతి కుంభకోణంపై సీబీఐ విచారణ జరిపించాలని.. ఫైబర్ నెట్ కుంభకోణంపై సీబీఐ విచారణ జరిపించాలనేది ఆ ప్లకార్డులపై డిమాండ్లు ఉన్నాయి. అందరు ఎంపీలు తమ తమ రాష్ట్రానికి రావాల్సిన నిధులు, ప్రాజెక్టుల కోసం ఆందోళనలు చేస్తూంటే.. వీరు మాత్రం..సీబీఐ విచారణ కోరడం ఏమిటన్న చర్చ ఇతర పార్టీల ఎంపీల్లో జరిగింది. సీబీఐ విచారణలు.. ఇతర అంశాల కోసం.. ధర్నాలు చేయడం అరుదు. అదీ కూడా రాష్ట్ర అంశాలపై ఎవరూ ధర్నాలు చేసి సమయం వృధా చేసుకోరు.

సహజంగా సీబీఐ విచారణలు కావాలంటే.. ఎవరైనా ఆధారాలతో కేంద్రానికి సిఫార్సు లేఖ రాస్తారు. పైగా ఏపీ సర్కార్‌కు ఈ ప్రాసెస్‌ మీద స్పష్టమైన అవగాహన ఉంది. అధికారంలోకి రాగానే…గురజాలలో అక్రమ మైనింగ్ జరిగిందంటూ ఓ కేసును అలాగే సీబీఐకి సిఫార్సు చేసింది. ఆ కేసు విషయంలో సీబీఐ విచారణ కూడా ప్రారంభించింది. ఒక వేల అలా సిఫార్సు చేసిన తర్వాత కేంద్రం స్పందించకపోతే కోర్టుకు వెళ్లే ఆప్షన్ ఉండనే ఉంది. ఆధారాలతో సహా కోర్టులో పిటిషన్ వేస్తే.. న్యాయస్థానమే చూసుకుంటుంది. జగన్ అక్రమాస్తుల కేసుల్లో జరిగింది అదే. అన్ని ఆధారాలతో కోర్టులో ప్రైవేటు వ్యక్తులు పిటిషన్ వేసినా… విచారణకు ఆదేశించింది. ఇక్కడ అధికారపార్టీగా ఉన్నప్పటికీ.. వైసీపీ ఎంపీలు తమ ఎదుట ఉన్న ఆప్షన్స్‌ను పట్టించుకోకుండా… పార్లమెంట్ సమయాన్ని వృధా చేస్తూ విచారణల డిమాండ్ చేస్తూ.. అందర్నీ ఆశ్చర్యపరుస్తున్నారు.

పార్లమెంట్ సమావేశాలు ప్రారంభమయ్యే ముందు అన్నిపార్టీల అధినేతలు సమావేశం పెట్టి..ఓ ఎజెండా సెట్ చేసి పంపిస్తారు. రాష్ట్రం కోసం ఏ ఏ అంశాలపై గళమెత్తాలో చెబుతారు. వైసీపీలో అలాంటి సమావేశాలేమీ జరగవు. పార్లమెంట్ సమావేశం ప్రారంభమైన రోజున జగన్ వీడియో కాన్ఫరెన్స్ పెట్టారని .. ప్రత్యేక హోదా దగ్గర్నుంచి జీఎస్టీ బకాయిల వరకూ అన్ని అంశాలపై కేంద్రాన్ని నిలదీయమన్నారని ఎంపీలు చెప్పుకొచ్చారు. తీరా సభలో మాట్లాడే అవకాశం వచ్చినప్పుడు మాత్రం ఎంపీలు.. అమరావతి భూములపై సీబీఐ విచారణ పాట పాడుతున్నారు. ఈ అంశం కేంద్రం పరిధిలో లేదు.. కేవలం తమ మాటలు రికార్డులకు ఎక్కితే చాలన్నట్లుగా ఎంపీల తీరు ఉందనే విమర్శలు అన్ని వైపుల నుంచి వస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కళ్ల ముందు కనిపిస్తున్న ఇళ్లతో టీడీపీ రాజకీయం..!

పేదలకు 30 లక్షల ఇళ్ల పట్టాలిస్తామంటూ హడావుడి చేసిన వైసీపీ సర్కార్... ఏడాదిన్నర గడిచిపోయినా ఆ దిశగా కనీసం అడుగులు వేయలేకపోయింది. ఆ పేరుతో పెద్ద ఎత్తున అవినీతికి పాల్పడ్డారన్న అభిప్రాయం...

క్రైమ్ : అత్త – అల్లుడు – వివాహేతర బంధం- హత్య..

సమాజంలో చిత్రమైన నేరాలు అప్పుడప్పుడూ వెలుగుచూస్తూ ఉంటాయి. అలాంటిది హైదరాబాద్‌లో ఒకటి బయటపడింది. ఓ నడి వయసు మహిళ.. ఓ యువకిడితో అక్రమ సంబంధం పెట్టుకుంది. తాను పెళ్లి చేసుకోలేదు కనుక.. కూతుర్ని...

యుద్ధం మొద‌ల‌వ్వ‌క‌ముందే.. తెల్ల‌జెండా ఊపేసిన ర‌జ‌నీ!

క‌రోనా ఎంత ప‌ని చేసిందో? క‌రోనా వ‌ల్ల సినిమా షూటింగులు ఆగిపోయాయి. సినిమా విడుద‌ల‌లూ ఆగిపోయాయి. ఆఖ‌రికి... ఓ సూప‌ర్ స్టార్ రాజ‌కీయ రంగ ప్ర‌వేశానికీ బ్రేకులు ప‌డ్డాయి. ఆ స్టార్...

పెళ్లి సంద‌డి ‘క్లాసులు’ షురూ!

రాఘ‌వేంద్ర‌రావు ద‌ర్శ‌క‌త్వ ప‌ర్య‌వేక్ష‌ణ‌లో రూపొందుతున్న చిత్రం `పెళ్లి సంద‌డి`. ఆనాటి పెళ్లి సంద‌డిలో శ్రీ‌కాంత్ హీరో అయిన‌ట్టే, ఇప్ప‌టి పెళ్లి సంద‌డిలో శ్రీ‌కాంత్ త‌న‌యుడ్ని హీరోగా ఎంచుకున్నారు. శ్రీ‌కాంత్ వార‌సుడు రోష‌న్‌కి ఇప్ప‌టికే...

HOT NEWS

[X] Close
[X] Close