కామంతో క‌ళ్లు మూసుకుపోయిన‌పుడు త‌ప్ప‌ని తెలిసినా తొంద‌ర‌ప‌డ‌తార‌ట మ‌నుషులు. అయితే, ఇపుడు రాజ‌కీయ నాయ‌కులు ఓటమి భ‌యం వెంటాడుతున్న‌పుడు తాత్కాలిక లాభాల కోసం పెద్ద పెద్ద త‌ప్పులు చేసేస్తుంటార‌ట‌. అలాంటి త‌ప్పొక‌టి ఈరోజు కేటీఆర్ చేశారు.
రోజురోజుకు దిగ‌జారుతున్న ప‌రిస్థితి వ‌ల్ల‌ విప‌రీత‌మైన ఓట‌మి భ‌యంలో ఉన్న టీఆర్ఎస్ నేత‌లు దిక్కుతోచ‌ని స్థితిలో ఉన్నారు. వారు ఏం చేస్తున్నారో వారికే అర్థం కావ‌డం లేదు. మొన్న పొర‌పాటు నోరు జారిన‌ కేసీఆర్ గెలిపిస్తే గ‌ట్టిగా ప‌నిచేస్తాం, లేక‌పోతే పోయి రెస్టు తీసుకుంటాం అని ఓట‌మి భ‌యాన్ని బ‌య‌ట‌పెట్టాడు. తాజాగా కేటీఆర్ ఇన్నాళ్లు దాచిన విష‌యం చెప్పేశారు.

జ‌గ‌న్ త‌న‌కు మిత్రుడు అని అందుకే కోడికత్తి దాడి జ‌రిగినపుడు అంత వేగంగా స్పందించాన‌ని కేటీఆర్ బ‌హిరంగంగా చెప్పేశారు. చ‌టుక్కున స‌ర్దుకుని మనిషన్న వాడు ఎవడైనా ఇలాంటి దాడుల సమయంలో సానుభూతి తెలుపుతారు అందుకే నేను కూడా స్పందించాను అన్నారు. అయితే, కేటీఆర్ తాప‌త్ర‌యం అంతా చంద్ర‌బాబును వ్య‌తిరేకించే ఆంధ్రులు హైద‌రాబాదులో త‌మ‌కు ఓటేస్తార‌న్న‌ది ఆశ‌. ఆ ఆశ‌తో ర‌హ‌స్య బంధాన్ని బ‌య‌ట‌పెట్టారు. చంద్ర‌బాబు నాయుడు కేసీఆర్‌-ప‌వ‌న్‌-జ‌గ‌న్ ఒక‌టే టీం అని ఆరోప‌ణ‌లు చేస్తుంటే రివ‌ర్సులో చంద్ర‌బాబుకు భ‌యం మొద‌లైంద‌ని పిచ్చిఆరోప‌ణ‌లు చేస్తున్నార‌ని అన్నారు. ఇపుడు స్వ‌యంగా కేటీఆర్ త‌న‌కు జ‌గ‌న్ మిత్రుడ‌ని చెప్పారు. ఏ ప్రాతిప‌దిక‌న జ‌గ‌న్ మిత్రుడో ఆయ‌న చెప్పాలి. మ‌రోవైపు ప‌వ‌న్‌తో క‌లిసి కేసీఆర్ గంట‌లు గంట‌లు చ‌ర్చిస్తాడు. మీడియా ఫొటోలు కూడా విడుద‌ల అయ్యాయి.

ఇక్క‌డ అర్థం కాని లాజిక్ ఏంటంటే… కాంగ్రెస్ చంద్ర‌బాబుతో పొత్తు పెత్తుకుంటే ఆంధ్రా పెత్తనం అయిన‌పుడు టీఆర్ఎస్ జ‌గ‌న్‌-ప‌వ‌న్‌లతో క‌లిసి న‌డిస్తే అది ఆంధ్రా పెత్త‌నం కాదా? జ‌గ‌న్ సీఎం అవుతాడ‌ని కేసీఆరే చెప్తున్నాడు. మ‌రి అత‌ను సీఎం అయితే తెలంగాణ‌కు అన్యాయం చేయ‌డా? లేక‌పోతే త‌న ఆస్తుల ప‌రిర‌క్ష‌ణ కోసం తెలంగాణ‌కు అన్నీ ఇచ్చేసి ఆంధ్రాకు అన్యాయం చేస్తాడా?