రాజ‌మౌళి మ‌ల్టీస్టార‌ర్ # RRR కి సంబంధించిన న‌టీన‌టుల లిస్టు ఒకొక్క‌టిగా బ‌య‌ట‌కు వ‌స్తోంది. ఎన్టీఆర్‌, రామ్ చ‌ర‌ణ్‌లు మిన‌హాయిస్తే… అధికారికంగా ఎవ్వ‌రూ ఖ‌రార‌వ్వ‌లేదు. క‌థానాయిక‌ల ఎంపిక ఇంకా జ‌రుగుతూనే ఉంది. ఈసినిమాలో అజ‌య్ దేవ‌గ‌ణ్ న‌టిస్తాడ‌న్న వార్త‌లు వినిపిస్తున్నా.. అది ఎంత వరకూ నిజ‌మ‌న్న‌ది చిత్ర‌బృందమే చెప్పాలి. అయితే.. ఇప్పుడో క‌మెడియ‌న్‌కి మాత్రం # RRR లో స్థానం ద‌క్కింది. `అర్జున్‌రెడ్డి`తో ఆక‌ట్టుకున్న రాహుల్ రామ‌కృష్ణ ఇందులో ఓ కీల‌క పాత్ర‌లో క‌నిపించ‌నున్నాడు. ఈ విష‌యాన్ని… రామ‌కృష్ణ ధృవీక‌రించాడు కూడా. ”ఆర్‌.ఆర్‌.ఆర్‌లో నాకు అవ‌కాశం వ‌చ్చింది.అది ఎలాంటి పాత్ర అనేది ఇప్పుడే చెప్ప‌కూడ‌దు” అంటూ దాటేశాడు రాహుల్. ‘అర్జున్ రెడ్డి’ త‌ర‌వాత.. రాహుల్‌కి మంచి అవ‌కాశాలే వ‌స్తున్నాయి. ‘భ‌ర‌త్ అనే నేను’లోనూ మంచి పాత్రే చేశాడు రాహుల్. అయితే… ఆ పాత్ర‌పై త‌న‌కు ఇంకాస్త అసంతృప్తి ఉంద‌ట. ”భ‌ర‌త్ అనే నేనులో ఇంకాస్త బాగా చేయాల్సింది అనిపించింది. ఈ విష‌యాన్ని కొర‌టాల శివ‌తోనే చెప్పా” అంటున్నాడు రాహుల్. త‌న‌కు ఇలా కామెడీ పాత్ర‌లతోనే కొన‌సాగాల‌ని లేద‌ని, అన్ని ర‌కాల పాత్ర‌లూ చేయాల‌న్న ఆస‌క్తి ఉంద‌ని, ద‌ర్శ‌కులు మాత్రం కామెడీ క‌థ‌ల‌తోనే వ‌స్తున్నార‌ని వివ‌రించాడు.
# RRR లో…. ‘అర్జున్‌రెడ్డి’ క‌మెడియ‌న్‌
