ఓ ప‌క్క సాహో ప‌నులు చ‌క్క‌బెడుతూనే మ‌రోవైపు `జిల్‌` ఫేమ్ రాధాకృష్ణ సినిమానీ ముందుకు తీసుకెళ్తున్నాడు ప్ర‌భాస్. ఆగ‌స్టు 15న సాహో విడుద‌ల అవుతున్న సంగ‌తి తెలిసిందే. అంత‌కంటే ముందే రాధాకృష్ణ ద‌ర్శ‌క‌త్వం వ‌హించే సినిమాని ప‌ట్టాలెక్కించేశాడు. ఇది వ‌ర‌కే.. యూర‌ప్‌లో కొంత‌భాగం తెర‌కెక్కించారు. ఇప్పుడు హైద‌రాబాద్‌లో కొత్త షెడ్యూల్ మొద‌ల‌వ్వ‌బోతోంది. గురువారం నుంచి హైద‌రాబాద్‌లోని అన్న‌పూర్ణ స్టూడియోస్‌లో కొత్త షెడ్యూల్‌కి శ్రీ‌కారం చుట్ట‌నుంది టీమ్‌. దాదాపు 15 రోజుల పాటు కీల‌క స‌న్నివేశాలు తెర‌కెక్కిస్తారు. ఇందుకోసం ప్రొడ‌క్ష‌న్ డిజైన‌ర్ ఆర్‌.రవీందర్… ఓ ప్ర‌త్యేక మైన సెట్ తీర్చిదిద్దారు. ఈ సెట్లోనే ఇప్పుడు షూటింగ్ జ‌ర‌గ‌బోతోంది. ఇదో పిరియాడిక‌ల్ డ్రామా. సెట్స్ అవసరం చాలా ఎక్కువ. క‌థానుగుణంగా సెట్స్‌ని రూపొందించ‌డానికి రవీందర్ పెద్ద ఎత్తున క‌స‌ర‌త్తులు చేశారు. యూర‌ప్‌లో కూడా కొన్ని సెట్స్ వేయ‌బోతున్న‌ట్టు తెలుస్తోంది. పూజా హెగ్డే క‌థానాయిక‌గా న‌టిస్తున్న ఈ చిత్రాన్ని 2020 వేస‌విలో విడుద‌ల చేయ‌డానికి స‌న్నాహాలు చేస్తున్నారు.
ప్ర‌భాస్ – రాధాకృష్ణ సినిమా అప్ డేట్స్‌
