వ‌రుస ఫ్లాపుల‌తో డీలా ప‌డిన రాజ్ తరుణ్ కెరీర్ మెల్ల‌మెల్ల‌గా మ‌ళ్లీ ట్రాక్‌లోకి వ‌స్తోంది. ప్ర‌స్తుతం దిల్ రాజు బ్యాన‌ర్‌లో ఓ సినిమా చేస్తున్నాడు రాజ్తరుణ్. ఇప్పుడు మ‌రో అవ‌కాశం వ‌చ్చింది. మారుతి రాసుకున్న క‌థ‌లో రాజ్తరుణ్ హీరోగా క‌నిపించ‌బోతున్నాడు. మారుతి బ‌య‌ట సినిమాల‌కూ అప్పుడ‌ప్పుడూ క‌థ‌లు అందిస్తున్నాడు. వాటిలో సొంత బ్యాన‌ర్‌లో తీసేవే ఎక్కువ. మారుతి రాసిన క‌థ.. రాజ్‌త‌రుణ్‌కి బాగా సూట‌వుతుంద‌నిపించి – ఈ కాంబినేష‌న్ సెట్ చేశాడ‌ట మారుతి. కాక‌పోతే ఈ సినిమాకి మారుతి ద‌ర్శ‌క‌త్వం వ‌హించ‌డం లేదు. మారుతి టాకీస్ లో ప‌నిచేసిన ఓ ద‌ర్శ‌కుడు ఈ సినిమాని టేక‌ప్ చేయ‌బోతున్నాడు. ఇదో స‌ర‌దా ల‌వ్ స్టోరీ అని, క‌థ‌లో గ‌మ్మ‌త్తైన మ‌లుపులు ఉంటాయ‌ని తెలుస్తోంది. ప్ర‌స్తుతం స్క్రిప్టు ప‌నులు జ‌రుగుతున్నాయి. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.
మారుతి క‌థ‌లో రాజ్ తరుణ్
