ఒక ద‌శ‌లో రూ.15 కోట్ల పారితోషికంతో… హ‌డ‌లెత్తించాడు బోయ‌పాటి శ్రీ‌ను. త్రివిక్ర‌మ్‌, కొర‌టాల శివ‌ల‌తో స‌మానంగా పారితోషికం డిమాండ్ చేశారు. విన‌య విధేయ రామాకి బోయ‌పాటి అందుకున్న పారితోషికం రూ.15 కోట్ల‌కు అటూ ఇటూగా ఉంది. అయితే స‌డ‌న్‌గా బోయ‌పాటి పారితోషికం స‌గానికి ప‌డిపోయింది. అది కూడా వియ‌న విధేయ రామా ఎఫెక్ట్‌తోనే.
నంద‌మూరి బాల‌కృష్ణ – బోయ‌పాటి శ్రీ‌ను కాంబినేష‌న్‌లో ఓ సినిమా త‌యార‌వుతోంది. ఈ సినిమాకి గానూ బోయ‌పాటి శ్రీ‌ను పారితోషికం రూ.8 కోట్లేన‌ని తేలింది. విన‌య విధేయ రామా ఎఫెక్ట్ తో పారితోషికం త‌గ్గింది. దాంతో పాటు మ‌రో కార‌ణం కూడా ఉంది. బాల‌కృష్ణ సినిమాకి భారీ బ‌డ్జెట్ అవసరం అవుతోంద‌ట. బాల‌య్య మార్కెట్ రేంజ్ దాటి మరీ ఖ‌ర్చు చేయాల్సివ‌స్తోంద‌ట. క్వాలిటీ కోసం త‌న పారితోషికం త‌గ్గించుకోవ‌డానికి బోయ‌పాటి సిద్ధ‌మ‌య్యాడ‌ని ఇన్‌సైడ్ వ‌ర్గాల టాక్‌. త‌న సినిమాల్లో స్టార్ కాస్టింగ్ విష‌యంలో బోయ‌పాటి ఏమాత్రం రాజీ ప‌డ‌డు. ఇప్ప‌టికే సంజ‌య్‌ద‌త్ లాంటి వాళ్ల‌ని రంగంలోకి దింపాల‌ని చూస్తున్నాడు. స్టార్లు పెరిగే కొద్దీ – సినిమాకి ఖ‌ర్చు పెరుగుతుంది. అందుకే.. త‌న పారితోషికంలో కొంత మిన‌హాయిస్తున్నాడు. ఈ సినిమా హిట్ట‌యి, మళ్లీ ఫామ్ లోకి వ‌స్తే…. మళ్లీ రూ.15 కోట్ల మార్క్‌ని చేరుకోవ‌డం తేలిక‌వుతుంది. అందుకే ఇప్పుడు త‌న దృష్టంతా మేకింగ్‌పైనే పెడుతున్నాడు.
