త‌మిళ ద‌ర్శ‌కులంటే మ‌న హీరోల‌కు మోజెక్కువ. అక్క‌డి నుంచి ఎప్పుడూ ద‌ర్శ‌కుల్ని, లేదంటే క‌థ‌ల్నీ దిగుమ‌తి చేసుకుంటూనే ఉంటారు. అల్లు అర్జున్ కూడా ఈమ‌ధ్య త‌మిళ తంబీల‌పై దృష్టి పెట్టాడు. విక్ర‌మ్ కె.కుమార్‌తో ఓ సినిమా చేయాల‌ని చూశాడు. కానీ కుద‌ర్లేదు. ఇప్పుడు తన ఫోక‌స్ మురుగ‌దాస్‌పై ప‌డింది. అల్లు అర్జున్ – మురుగదాస్ కాంబినేష‌న్‌లో ఓ సినిమా రాబోతోంద‌ని ప్రచారం జ‌రుగుతోంది. దీనిపై మురుగదాస్ క్లారిటీ ఇచ్చాడు.
“మేం అనుకున్న మాట నిజ‌మే. అయితే దానికి ఇంకా టైమ్ ఉంది. బ‌న్నీ కూడా తన సినిమాల‌తో బిజీగా ఉన్నారు క‌దా” అంటున్నాడు. సో.. త్వ‌ర‌లోనే ఈ కాంబోలో ఓ సినిమా చూడొచ్చ‌న్న‌మాట. బ‌న్నీ ప్ర‌స్తుతం సుకుమార్ సినిమాతో బిజీగా ఉన్నాడు. ఆ త‌ర‌వాత ఐకాన్ ఉంది. ఈ రెండు సినిమాల మ‌ధ్య మురుగదాస్ సినిమాని ప‌ట్టాలెక్కించినా ఆశ్చ‌ర్య‌పోన‌వ‌స‌రం లేదు.
