మహేష్ బాబు – ప‌ర‌శురామ్ క‌ల‌యిక‌లో రూపొందుతున్న చిత్రం `స‌ర్కారు వారి పాట`. అన్నీ స‌రిగా ఉంటే.. ఈ పాటికి అమెరికాలో షూటింగ్ మొద‌లైపోయేది. వీసాలు రావ‌డం స‌మ‌స్య‌గా మార‌డంతో అక్క‌డి షెడ్యూల్ వాయిదా ప‌డింది. త్వ‌ర‌లోనే హైద‌రాబాద్ లో కీల‌క‌మైన షెడ్యూల్ మొద‌లు కాబోతోంది. ఈ సినిమా లో ఓ కీల‌క‌మైన ఎపిసోడ్ బ్యాంకు నేప‌థ్యంలో సాగుతుంది. అదీ.. అమెరికా బ్యాంకు. అందుకోస‌మే అమెరికాలో షెడ్యూల్ ప్లాన్ చేశారు. ఇప్పుడు ఆ బ్యాంకు సెట్.. హైద‌రాబాద్ లో వేస్తున్నారు. రామోజీ ఫిల్మ్ సిటీలో బ్యాంకు సెట్ కి సంబంధించిన ప‌నులు జ‌రుగుతున్నాయి. బ్యాంకు ఎక్స్‌టీరియ‌ర్ కి సంబంధించిన స‌న్నివేశాల్ని అమెరికాలోనే తీస్తారు. అందుకు సంబంధించిన బ్యాంకు కూడా.. అమెరికాలో దొరికేసింది. ఆ బ్యాంక ఇంటిరీయ‌ర్ కి త‌గ్గ‌ట్టుగానే రామోజీ ఫిల్మ్‌సిటీలో సెట్ తీర్చిదిద్దుతున్నారు. కీర్తి సురేష్ క‌థానాయిక‌గా న‌టిస్తోంది. ప్రతినాయ‌కుడి పాత్ర కోసం చాలా పేర్లు వినిపించాయి. ఉపేంద్ర, అర‌వింద్ స్వామి, అనిల్ క‌పూర్‌.. ఇలా కొంత‌మంది స్టార్ల పేర్లు ప‌రిశీలిస్తున్నారు. త్వ‌ర‌లోనే ఓ పేరు ఖ‌రారు చేస్తారు.
స‌ర్కారు వారి ‘బ్యాంకు’ దొరికింది
