హైదరాబాద్: కాంగ్రెస్ సీనియర్ నాయకుడు, మాజీ మంత్రి డొక్కా మాణిక్యవరప్రసాద్ వైఎస్ఆర్ కాంగ్రెస్ పార్టీలో చేరటంపై మనసు మార్చుకున్నారు. తాను వైసీపీలో చేరబోవడంలేదని, కొన్నాళ్ళు రాజకీయాలకు దూరంగా ఉంటానని చెప్పారు. వైసీపీలో చేరనందుకు జగన్‌కు, విజయ సాయికి క్షమాపణలు చెప్పారు. వైసీపీలోకి వస్తానని వారికి తాను చెప్పినమాట నిజమేనని అన్నారు. తెలుగుదేశం ఎంపీ రాయపాటి సాంబశివరావు మొత్తంమీద తన శిష్యుడైన డొక్కాను వైసీపీలో చేరకుండా ఆపటంలో కృతకృత్యులైనట్లు కనబడుతోంది. డొక్కాను వైసీపీలోకి వెళ్ళనీయబోనని, తెలుగుదేశంలోకి తీసుకొస్తానని ఇవాళ ఉదయం రాయపాటి ఖరాఖండిగా చెప్పారు.
