చాలాకాలం త‌ర‌వాత త్రిష పేరు మ‌ళ్లీ టాలీవుడ్ లో వినిపిస్తోంది. ఒక‌టి కాదు.. ఏకంగా రెండు పెద్ద ప్రాజెక్టుల్లో త్రిష పేరు చ‌ర్చ‌కు వ‌చ్చింది. చిరంజీవి – మెహర్ ర‌మేష్ కాంబినేష‌న్‌లో ఓ చిత్రం రూపుదిద్దుకుంటున్న సంగ‌తి తెలిసిందే. `భోళా శంక‌ర్‌` అనే పేరు పెట్టారు. చిరు చెల్లెమ్మ‌గా.. కీర్తి సురేష్ న‌టిస్తోంది. ఇప్పుడు చిరు ప‌క్క‌న క‌థానాయిక‌నే ఖ‌రారు చేయాలి. ఆ ఛాన్స్ త్రిష‌కే ఎక్కువ ఉంద‌న్న‌ది ఇన్‌సైడ్ వ‌ర్గాల టాక్‌. ఈ సినిమా కోసం త్రిష‌ని సంప్ర‌దిస్తున్నార్ట. `స్టాలిన్‌`లో చిరు ప‌క్క‌న త్రిష న‌టించింది. అయితే.. ఆ కాంబో కాస్త ఇబ్బందిగా క‌నిపించింది. అప్ప‌ట్లో చిరు బాగా లావుగా ఉండ‌డంతో.. ఇద్ద‌రి మ‌ధ్యా కెమిస్ట్రీ సెట్ అవ్వ‌లేదు. `ఆచార్య`లో తొలుత త్రిష‌నే అనుకున్నారు. కానీ చివ‌రి క్ష‌ణంలో త్రిష డ్రాప్ అయి కాజ‌ల్ వ‌చ్చి చేరింది. ఈసారి మాత్రం… త్రిష దాదాపు ఖాయం అనే వార్త‌లు వినిపిస్తున్నాయి.
మ‌రోవైపు బాల‌కృష్ణ సినిమాలోనూ క‌థానాయిక‌గా త్రిష పేరు ప‌రిశీల‌న‌కు వ‌చ్చింది. బాల‌కృష్ణ – గోపీచంద్ మ‌లినేని కాంబినేష‌న్ లో ఓ చిత్రం రూపుదిద్దుకోనుంది. వ‌చ్చే నెల‌లో ప్రారంభిస్తారు. క‌థానాయిక‌గా త్రిష పేరు అనుకుంటున్నారు. `రూల‌ర్‌`లో బాల‌య్య‌తో త్రిష జోడీ క‌ట్టింది. ఆ సినిమా ఫ్లాప్‌. అయినా స‌రే, త్రిష‌ని మ‌రోసారి రంగంలోకి దింపాల‌ని ఫిక్స‌య్యార్ట. అయితే త్రిష నుంచి ఇంకా గ్రీన్ సిగ్న‌ల్ రావాల్సివుంది. త‌మిళంలో త్రిష చేస్తున్న సినిమాలేం పెద్ద‌గా లేవు. త‌ను కూడా పూర్వ వైభ‌వం కోసం ఎదురు చూస్తోంది. ఈ రెండు సినిమాల్లో ఏది ఒప్పుకున్నా- త్రిష ఇంకొన్నాళ్లు టాలీవుడ్ కి ట‌చ్ లో ఉంటుంది.
