మాచ‌ర్ల నియోజ‌క వ‌ర్గం త‌ర‌వాత నితిన్ సినిమా ఏదీ ప‌ట్టాలెక్క‌లేదు. వ‌క్కంతం వంశీ క‌థ‌కు నితిన్ ప‌చ్చ జెండా ఊపిన‌ప్ప‌టికీ.. ఆ సినిమాని ఎందుక‌నో హోల్డ్ లో పెట్టాడు. ఈ క‌థ‌పై త‌ర్జ‌న‌భ‌ర్జ‌న‌లు జ‌రుగుతున్నాయ‌ని, క‌థ మారుతోంద‌ని, అందుకే లేట్ అవుతోంద‌ని ర‌క‌ర‌కాల వార్త‌లొచ్చాయి. ఈ సినిమా ఉంటుందా, లేదా? అనే అనుమానాలూ చుట్టుముట్టాయి. ఎట్ట‌కేల‌కు ఈ సినిమా ప‌ట్టాలెక్కింది. ఆదివారం నుంచి.. ఫ‌స్ట్ షెడ్యూల్ మొద‌లైంది. మారేడుమిల్లి అడ‌వుల్లో… ఈ సినిమా షూటింగ్ ప్రారంభించారు. నితిన్‌పై ఓ యాక్ష‌న్ సీన్ తో ఈ షెడ్యూల్ కి శ్రీ‌కారం చుట్టారు. నితిన్ గెట‌ప్‌, త‌న బాడీ లాంగ్వేజ్ ఈ సినిమాలో పూర్తిగా కొత్త‌గా క‌నిపించ‌నున్నాయ‌ని స‌మాచారం. `జూనియ‌ర్‌` అనే పేరు ప‌రిశీల‌న‌లో ఉంది. హ‌రీశ్ జ‌య‌రాజ్ సంగీతం అందిస్తున్న ఈ చిత్రంలో శ్రీ‌లీల క‌థానాయిక. ప్ర‌తి నాయ‌కుడి పాత్ర కోసం సూర్య, విజ‌య్ సేతుప‌తి, బాబీ సింహా లాంటి పేర్లు ప‌రిశీల‌న‌లో ఉన్నాయి. త్వ‌ర‌లోనే ప్ర‌తినాయ‌కుడెవ‌ర‌న్న‌ది తేలుతుంది.
హ‌మ్మ‌య్య… నితిన్‌కి మూడొచ్చింది!
