ఎన్టీఆర్, ఏఎన్ఆర్, కృష్ణ, శోభన్ బాబు.. తర్వాత చిరంజీవి, బాలకృష్ణ, వెంకటేష్, నాగార్జున తెలుగు సినీ పరిశ్రమకు నాలుగుస్తంభాలుగా పేరు తెచ్చుకున్నారు. తమకంటూ ఒక ప్రత్యేకమైన ఒరవడి సృష్టించుకుని దశాబ్దాలుగా అలరిస్తున్నారు. జనరేషన్స్ మారుతున్నా తమని తాము అప్డేట్ చేసుకుంటూ కమర్షియల్ సినిమాలతో సందడి చేస్తున్నారు. అయితే ఇప్పటి పాన్ ఇండియా ట్రెండ్ లో వీరికి సరైన సినిమా పడలేదు. నిజానికి ఆ ప్రయత్నాలే జరగలేదు. వీరి దృష్టి సౌత్ ఇండస్ట్రీపైనే వుంటుంది.

అయితే ఇప్పుడు బాలయ్య అఖండ 2తో ఒక ముందడుగు వేస్తున్నారు. ఈ సినిమాని పాన్ ఇండియా సినిమాగా ప్రమోట్ చేస్తున్నారు. ఈ సినిమా పాటని ముంబైలో లాంచ్ చేశారు. కర్నాటకలో ట్రైలర్ లాంచ్ చేశారు. ఉత్తరప్రదేశ్ ముఖ్యమంత్రి యోగి ఆదిత్యనాథ్ ని కలిసి ఆయన అభినందలు తీసుకున్నారు. కాశిలో కూడా ఒక ఈవెంట్ నిర్వహించాలనే ఆలోచనలో ఉన్నారు. బాలయ్య స్వయంగా హిందీలో డబ్బింగ్ చెప్పారు.

ఇక కంటెంట్ విషయానికి వస్తే.. డివైన్ పవర్ వున్న జానర్ ఇది. సనాతన ధర్మ పరాక్రమం చూస్తారని ప్రచారం చేస్తున్నారు. అలాగే ఇందులో ఆర్మీ, వార్ టచ్ కూడా వుందని ట్రైలర్ టీజర్ చూస్తే అర్ధమౌతుంది. ఇలాంటి కంటెంట్ వున్న సినిమాలు నార్త్ ఆడియన్స్ ని ఆకర్షిస్తాయి. అఖండ 2 టీం ప్రయత్నం కూడా ఇదే. నలుగురు సీనియర్ హీరోలు ఇప్పటివరకూ పాన్ ఇండియా వైపు రాలేదు. మరి తొలి ప్రయత్నంలో బాలయ్య బోణి కొట్టాలనే కోరుకుందాం.