ఆ దళిత రైతు ఆత్మహత్య ప్రభుత్వ హత్యే..!

నెల్లూరు జిల్లాలో ఓ దళిత రైతు.. తన భూమిని బలవంతంగా లాక్కుంటున్నారన్న ఆవేదనతో పురుగుల మందు తాగి ఆత్మహత్య చేసుకున్నారు. ఇలాంటి ఘటనలు రాష్ట్ర వ్యాప్తంగా పలు చోట్ల జరుగుతున్నాయి. అయితే.. నెల్లూరులో జరిగిన ఘటన మాత్రం.. అంతకు భిన్నమైనది. ఆ రైతు.. అప్పటికే తన భూమిని తీసుకోకుండా.. హైకోర్టుకు వెళ్లి ఆర్డర్స్ తెచ్చుకున్నారు. పొలంలో పని చేసుకుంటున్నారు. అయినప్పటికీ.. రెవిన్యూ అధికారులు.. పోలీసులను తీసుకుని వచ్చి వేధించారు. తిట్టారు.. దాడికి ప్రయత్నించారు. దాంతో.. పొలంలో చల్లేందుకు తెచ్చుకున్న పురుగుల మమందును అక్కడే తాగేశారు. ఆ రైతు పురుగుల మందు తాగడాన్ని అక్కడే ఉన్న పోలీసులు చూస్తున్నారు. అలా… చిద్విలాసంగా వారు చూస్తూనే ఉన్నారు కానీ… పట్టించుకోలేదు. దాంతో.. ఆ రైతు పురుగుల మందు తాగి.. అక్కడికక్కడే చనిపోయాడు. ఈ దృశ్యాలు హృదయవిదారకంగా ఉన్నాయి.

వెంకటయ్య అనే రైతు వెంకన్నపాలెం అనే గ్రామానికి చెందిన వారు. ప్రభుత్వం ఎప్పుడో ఇచ్చిన అసైన్డ్ ల్యాండ్‌ను సాగు చేసుకుంటున్నారు. ప్రస్తుతం అందులో పంట ఉంది. అయినా దున్నేసి.. ఇళ్ల స్థలాలుగా మార్చాలని అధికారులు ప్రయత్నించారు. దీనిపైనే ఆయన కోర్టుకు వెళ్లి… అనుకూలంగా ఉత్తర్వులు తెచ్చుకున్నారు. కానీ అధికారులు.. పోలీసులు ఆ ఉత్తర్వులను పరిగణనలోకి తీసుకోలేదు. రైతును వేధించడం ప్రారంభించారు. ఆ వేధింపులు ఆత్మహత్యకు కారణం అయ్యాయి. తమకు వ్యతిరేకంగా.. కోర్టుకు వెళ్లారన్న కారణంగానే ఆ బీద దళిత రైతుపై ప్రభుత్వం పగబట్టిందని.. తెలుగుదేశం పార్టీ అధినేత చంద్రబాబు.. ఈ ఘటనను ట్వీట్ చేస్తూ మండిపడ్డారు.

ఈ ఘటన కలకలం రేపుతోంది. హైకోర్టు ఆదేశాలను కూడా పట్టించుకోకుండా వేధించడం ఒకటి అయితే… అసలు ఆత్మహత్యాయత్నం చేసిన వ్యక్తి.. ప్రాణాపాయంలో ఉన్న వ్యక్తిని కాపాడేందుకు ప్రయత్నించడం … కనీసం మానవత్వం. అలాంటి ప్రయత్నమే పోలీసులు చేయకుండా.. అలా నిలబడి చూస్తూ ఉండిపోయారు. గతంలో.. చంద్రబాబు సీఎంగా ఉన్నప్పుడు.. గుంటూరు జిల్లాలో ఓ కార్యక్రమంలో సీఎం పాల్గొన్న సమయంలో.. అక్కడ రైతు పురుగు మందు తాగారు. ఆయనను కాపాడేందుకు పోలీసులు పరుగులు పెట్టారు. ఆయనను భుజానపై వేసుకుని ఆస్పత్రికి తీసుకెళ్లారు. ఇప్పుడు మాత్రం వారిలో స్పందన కూడా కరవైంది. ప్రాణం పోతూంటే.. అలా చూస్తూండిపోయారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్చ్…ఇళ్ల పట్టాల పంపిణీ మళ్లీ వాయిదా..!

ఆగస్టు పదిహేనో తేదీన 30 లక్షల మందికి ఇళ్ల స్థలాలిస్తామన్న ఏపీ సర్కార్ మళ్లీ వాయిదా బాట పట్టింది. కోర్టుల్లో కేసులున్నాయంటూ... మరోసారి ముహుర్తం మార్చింది. ఈ సారి గాంధీ జయంతికి...

అనధికార కేబినెట్ భేటీని నిర్వహించేసిన కేటీఆర్..!

తెలంగాణ సర్కార్‌లో నెంబర్ టూగా ఉంటూ.. సీఎం రేంజ్ పవర్స్ తో పాటు విధులు కూడా నిర్వహిస్తున్న అనధికారికంగా కేబినెట్ భేటీ కూడా నిర్వహించేశారు. ప్రాక్టీస్ కోసం అన్నట్లుగా జరిగిన ఈ కేబినెట్...
video

స‌డ‌క్ 2 పై.. సుశాంత్ అభిమానుల సెగ‌

సుశాంత్ సింగ్ రాజ్ పుత్ ఆత్మ‌హ‌త్య వెనుక‌.. ప్ర‌త్య‌క్షంగానూ ప‌రోక్షంగానూ మ‌హేష్ భ‌ట్ ప్ర‌మేయం ఉంద‌ని సుశాంత్ అభిమానులు న‌మ్ముతున్నారు. చాలా రోజులుగా సుశాంత్ వ‌ర్గం మ‌హేష్ భ‌ట్ ని టార్గెట్ చేస్తోంది....

“చేయూత” డబ్బులతో వ్యాపారం నేర్పిస్తున్న జగన్..!

ఏపీ ముఖ్యమంత్రి జగన్మోహన్ రెడ్డి మహిళా సాధికారత కోసం.. మరో వినూత్నమైన ప్రయత్నం చేస్తున్నారు. వైఎస్ఆర్ చేయూత పథకాన్ని తాడేపల్లిలోని ఇంటి నుంచి ప్రారంభించారు. ఏడాదికి రూ. 18,750 ఇచ్చే ఈపథకం...

HOT NEWS

[X] Close
[X] Close