క‌ల్యాణ రామ్ క‌థానాయ‌కుడిగా ఎన్టీఆర్ ఆర్ట్స్ సంస్థ ఓ చిత్రాన్ని నిర్మిస్తోంది. వేణు మ‌ల్లిడి ద‌ర్శ‌క‌త్వం వ‌హిస్తున్నారు. ఈ చిత్రానికి ‘తుగ్లక్’ అనే పేరు పెడ‌దామ‌నుకున్నారు. ఇప్పుడు ఆ ఆలోచ‌న మారింది. ‘రావ‌ణ’ అనే కొత్త టైటిల్ బ‌య‌ట‌కు వచ్చింది. ఎన్టీఆర్ ఆర్ట్స్ పేరిట ఛాంబ‌ర్‌లో `రావ‌ణ` అనే టైటిల్ రిజిస్ట‌ర్ అయ్యింది. అది ఈ సినిమా కోస‌మే అని తేలిందిఈ సినిమాలో క‌థానాయ‌కుడి పాత్రలో కొన్ని ప్ర‌తినాయ‌క ల‌క్ష‌ణాలు ఉంటాయి. అందుకే.. నెగిటీవ్ టైటిల్ కోసం ముందు నుంచీ అన్వేషిస్తున్నారు. ‘తుగ్ల‌గ్‌’ టైటిల్ ఇది వ‌ర‌కే వేరే నిర్మాత రిజిస్ట‌ర్ చేయించుకున్నాడు. పైగా `తుగ్లక్` టైటిల్ అంద‌రికీ అర్థం అవుతుందో, లేదో అనే అనుమానాలు కూడా క‌ల‌గ‌డంతో.. కొత్త టైటిల్‌కే మొగ్గు చూపించారు. త్వ‌ర‌లోనే టైటిల్‌కి సంబంధించిన అధికారిక ప్ర‌క‌ట‌న విడుద‌ల చేసే అవ‌కాశం ఉంది.
క‌ల్యాణ‌రాముడి ‘రావ‌ణ’ అవ‌తారం
