ల‌క్ష్మ‌ణ్ చెబుతున్న‌ట్టుగానే భాజ‌పా బ‌ల‌ప‌డిందా..?

మున్సిప‌ల్ ఎన్నిక‌ల్లో స‌త్తా చాటుకుని తెరాస‌కు తామే ప్ర‌త్యామ్నాయం అని నిరూపించుకుంటామ‌ని భాజ‌పా రంగంలోకి దిగింది. కానీ, ఆశించిన స్థాయిలో ఫ‌లితాలేం ద‌క్క‌లేదు. అయినాస‌రే, తాము రెండో స్థానానికి ఎదిగామ‌ని అంటున్నారు ఆ పార్టీ రాష్ట్ర అధ్య‌క్షుడు ల‌క్ష్మ‌ణ్‌. దాదాపు 90 శాతం స్థానాల్లో సొంతంగా పోటీ చేయ‌గ‌లిగామ‌నీ, ఎలాంటి పొత్తూ లేకుండా తెరాస‌కు గ‌ట్టి పోటీ ఇచ్చామంటున్నారు. అధికారం అండ‌తో, ధ‌న బ‌ల ప్ర‌లోభాల‌తో ఎన్ని ఒత్తిళ్ల‌కు గురి చేసినా అంతిమంగా ఓట‌ర్లు త‌మ‌ను ఆద‌రించార‌నీ, రాష్ట్రంలో కార్పొరేష‌న్ల‌లో భాజ‌పా రెండో స్థానానికి వ‌చ్చింద‌న్నారు.

ల‌క్ష్మ‌ణ్ చెబుతున్నంత న‌మ్మ‌కంగానే భాజ‌పా తెలంగాణ‌లో బ‌ల‌ప‌డిందా… ఒక్క‌సారి లెక్క‌లు చూద్దాం. మున్సిప‌ల్ ఎన్నిక‌ల్లో అధికార పార్టీ తెరాస‌కు 43 శాతం ఓటింగ్ ద‌క్కింది. ఆ త‌రువాతి స్థానంలో కాంగ్రెస్ ఉంది. నిజానికి, ఆ పార్టీ నుంచి నాయ‌కులు వ‌ల‌స‌లు పోతున్నా, నాయ‌క‌త్వలేమితో, ఆధిప‌త్య పోరుతో కొట్టుమిట్టాడుతున్నా 21.7 శాతం ఓటింగు ద‌క్కించుకోవ‌డం విశేషం. భాజ‌పా విష‌యానికొస్తే … 14.91 శాతం ఓటింగ్ ద‌క్కింది. కార్పొరేష‌న్లలో దాదాపు 22 శాతం వ‌ర‌కూ భాజ‌పాకి ఓటింగ్ ద‌క్కింది. అంటే, న‌గ‌రాల్లో భాజ‌పా ప‌ట్టు కొంత‌మేర‌కు పెరిగింద‌నే చెప్పాలి. ల‌క్ష్మ‌ణ్ చెబుతున్న‌ట్టు ఇప్ప‌టికిప్పుడు రెండో స్థానంలో భాజ‌పా లేక‌పోయినా… గ‌ణ‌నీయంగా పార్టీ విస్త‌రిస్తోందనొచ్చు. పార్టీప‌రంగా కొంత బేస్ అయితే ఏర్ప‌డింద‌ని చెప్పొచ్చు.

కేంద్రంలో అధికారంలో ఉండ‌టం, దేశ‌వ్యాప్తంగా ఒక అనుకూల‌త మోడీకి ఉండ‌టం ఇక్క‌డా ప్ల‌స్ అయింది. దీంతోపాటు, ఎమ్‌.ఎమ్‌.ఐ.ని ఇక్క‌డ ప్ర‌స్థావించుకోవాలి. ఎందుకంటే, గ‌తంలో హైద‌రాబాద్ కి మాత్ర‌మే ప‌రిమిత‌మైన పార్టీ ఇప్పుడు రాష్ట్రంలో చాలా స్థానాల్లో పోటీ చేసింది. ఆ పార్టీ కూడా విస్తరిస్తోందనే అనాలి. దానికి కౌంట‌ర్ గా హిందు ఓటు బ్యాంకును భాజ‌పా బ‌లంగా ఆక‌ర్షించే ప్ర‌యత్న‌మూ కొంత‌మేర ఫ‌లించింద‌నీ చెప్పొచ్చు. ఇంకోటి… తెలంగాణ‌లో కాంగ్రెస్, తెరాస‌ల మీద విముఖ‌త ఉన్న‌వారికి మూడో ప్ర‌త్యామ్నాయ వేదిక‌గా భాజ‌పా క‌నిపించింద‌నీ అనొచ్చు. గ‌తంలో టీడీపీ, వైకాపాల‌కి ఓటు బ్యాంకులు బాగానే ఉండేవి. అవి కూడా కొంత‌మేర‌కు భాజ‌పా వైపు మళ్లాయ‌నీ చెప్పొకోవ‌చ్చు. ఓటింగ్ శాతం ప‌రంగా చూసుకుంటే భాజ‌పా తెలంగాణ‌లో ఇప్పుడు మూడో స్థానంలోనే ఉన్నా… ఈ మూడు కార‌ణాల దృష్ట్యా ఆ పార్టీ ప‌ట్టు పెరిగేందుకు ఉన్న అవ‌కాశాలను కొట్టిపారేయ‌లేం. ఇప్ప‌టికిప్పుడు భాజ‌పాతో ఇబ్బందేం లేద‌ని కాంగ్రెస్, తెరాస‌లు ఈజీగా తీసుకునే స్థాయిలో భాజ‌పా లేద‌నే చెప్పాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

HOT NEWS

css.php
[X] Close
[X] Close