సూపర్ స్టార్ మహేష్ బ్రహ్మోత్సవం సినిమా తర్వాత మురుగదాస్ సినిమా చేస్తాడని తెలిసిన వార్తే.. అయితే ఏప్రిల్ లో మొదలవనున్న ఈ సినిమాకు సంబంధించిన ప్రి ప్రొడక్షన్ వర్క్ జరుగుతుంది. ప్రస్తుతం మురుగదాస్ కూడా అకిరా సినిమా షూటింగ్ లో ఉన్నాడు. మహేష్ మురుగదాస్ సినిమాలో కథానాయికగా కొద్దిరోజులు శ్ర్ద్ధద్ద కపూర్ అని, మరికొద్ది రోజులు పరిణితి చోప్రా అని హడావిడి చేశారు. మొన్నీమధ్య దీపికా పదుకునే పెరు కూడా వినపడ్డది.
కాని తాజాగా నేను శైలజా బ్యూటీ కీర్తి సురేష్ అంటున్నారు. అయితే ఇలా వదిలేస్తే మరెవరిని తీసుకొచ్చి ఈమె మహేష్ హీరోయిన్ అనేస్తారేమో అని ఆ సినిమా నిర్మాతలు.. మహేష్ సినిమాకు కథానాయిక విషయంలో ఇంకా ఎటువంటి నిర్ణయం తీసుకోలేదని వివరణ ఇచ్చారు. మహేష్ సినిమాలో ఆమె ఉంది.. ఈమె ఉంది అని చెప్పేవారికి ఇదో షాకింగ్ న్యూస్ అయ్యింది. అయితే త్వరలోనే సినిమాకు సంబంధించిన పూర్తి వివరాలు వెళ్లడిస్తామని అన్నారు.
పారాస్ జైన్, ఠాగూర్ మధు నిర్మిస్తున్న మహేష్, మురుగదాస్ సినిమా బడ్జెట్టే 110 కోట్లను అంచనా వేస్తున్నారు. తెలుగు, తమిళ భాషల్లోనే కాకుండా హిందీలో కూడా ఈ సినిమాను విడుదల చేసే విధంగా సినిమాను తెరకెక్కించే ఆలోచనలో ఉన్నారు. సో ఇప్పటికైతే మహేష్ సినిమాకు కథానాయిక పోస్ట్ ఖాళీగానే ఉందన్నమాట.
