ఈవారం విడుద‌లైన సినిమాల్లో `మ‌త్తు వ‌ద‌ల‌రా` ఒక‌టి. మైత్రీ మూవీస్, క్లాప్ ఎంట‌ర్‌టైన్‌మెంట్స్ సంస్థ‌లు సంయుక్తంగా రూపొందించిన చిత్ర‌మిది. మౌత్ టాక్ బాగానే వ‌చ్చింది. విమ‌ర్శ‌కులూ… మెచ్చుకున్నారు. అయితే వ‌సూళ్లు అంతంత మాత్రంగానే ఉన్నాయి. సెకండాఫ్‌లో, అందునా క్లైమాక్స్‌లో కాస్త లాగ్ క‌నిపించింది. నిజానికి ఈ సినిమాలో క‌ట్ చేసిన భాగం ఇంకా చాలానే ఉంది. క్లైమాక్స్‌లో సీజీ వ‌ర్క్ కేవ‌లం 4 నిమిషాలే తెరపై క‌నిపించింది. నిజానికి ఇంకో 16 నిమిషాల ఫుటేజ్ ఉంద‌ట. అంతేకాదు… ష‌క‌ల‌క శంక‌ర్ తో ఓ ట్రాక్‌ని డిజైన్ చేశారు. ఆ ట్రాక్ బాగా పేలింద‌ట. అయితే నిడివి ఎక్కువ అయిపోయింద‌నిపించి, దాన్ని చివ‌రి నిమిషంలో తొల‌గించారు. మైత్రీ మూవీస్ నిర్మాత‌లు సినిమా విడుద‌ల‌కు ముందు చివ‌రి నిమిషంలో ఈ మార్పులు చేశారు. లేదంటే ఇంకా లాగ్ అయిపోదును. అయితే అప్పుడు క‌త్తిరించిన స‌న్నివేశాల్ని ఇప్పుడు జోడిస్తే ఎలా ఉంటుందా? అని ఆలోచిస్తున్నారు. అలా యాడ్ చేయాల‌న్నా ఈరోజుల్లో చాలా క‌ష్ట‌మైన ప‌నే. శాటిలైట్‌లో వ‌దిలిన‌ప్పుడు… తొలగించిన స‌న్నివేశాల్నీ చూసే అవ‌కాశం ఉంది.
మ‌త్తు వ‌ద‌ల‌రా… చాలా క‌ట్ చేసేశారు
