నాగ‌చైత‌న్య – స‌మంత విడాకుల వ్య‌వ‌హారం 2021లోనే టాక్ ఆఫ్ ది ఇండ్ర‌స్ట్రీ అయ్యింది. ఈ వ్య‌వ‌హారం చుట్టూ ఎన్ని క‌థ‌లు, ఇంకెన్ని క‌థ‌నాలో..? ఇప్పటికీ ఏదో ఓ రూపంలో చై – శామ్ విడాకుల గురించిన చ‌ర్చ వ‌స్తూనే ఉంది. అయితే.. విడాకులు తీసుకున్న త‌ర‌వాత. అటు స‌మంత గానీ, ఇటు నాగ‌చైత‌న్య గానీ మీడియా ముందుకు రాలేదు. ఇంట‌ర్వ్యూలూ గ‌ట్రా ఇవ్వ‌లేదు. అయితే.. ఈసారి `బంగార్రాజు` ప్ర‌మోష‌న్ల‌లో నాగ‌చైత‌న్య ఈ వ్య‌వ‌హారంపై పెద‌వి విప్ప‌క త‌ప్ప‌లేదు. `ప‌ర్స‌న‌ల్ క్వ‌శ్చ‌న్స్ వ‌ద్దు..` అని పీఆర్వోలు రిపోర్ట‌ర్ల‌ని ముందే ఎలెర్ట్ చేసినా, విడాకులకు సంబంధించిన ప్ర‌శ్న వ‌చ్చేసింది. `వీడాకుల‌నేవి మీ జీవితంలో క‌ఠిన‌మైన నిర్ణ‌య‌మా?` అనే ప్ర‌శ్న‌కు చై ఆచి తూచి స‌మాధానం ఇచ్చాడు. ఇద్ద‌రి మంచి కోరి తీసుకున్న నిర్ణ‌య‌మే అని, విడాకుల వ‌ల్ల ఇద్ద‌రూ సంతోషంగా ఉన్నామ‌ని, ఆ స‌మ‌యంలో ఇదే అత్యుత్త‌మ నిర్ణ‌య‌మ‌ని వెల్ల‌డించాడు చైతూ. ఈ విష‌యంలో కుటుంబ స‌భ్యులు ఎంతో స‌హ‌క‌రించార‌ని చెప్పుకొచ్చాడు. నాగార్జున, నాగ‌చైత‌న్య క‌ల‌సి నటించిన `బంగార్రాజు` శుక్ర‌వారం విడుద‌ల అవుతున్న సంగ‌తి తెలిసిందే. క‌ల్యాణ్ కృష్ణ ద‌ర్శ‌క‌త్వం వ‌హించిన ఈ చిత్రంలో కృతిశెట్టి క‌థానాయిక.
విడాకులు తీసుకోవ‌డం.. అత్య‌త్త‌మ నిర్ణ‌య‌మే!
