క్యా సెట్టింగ్ హై..! “కేదార్‌నాథ్‌ మోడీ” సూపర్ హిట్..!

ప్రధానమంత్రి నరేంద్రమోడీని… చాలా మంది నటుడు అని ఈ మధ్య విమర్శిస్తున్నారు. అక్షయ్ కుమార్‌తో ఇంటర్యూ.. ఆ తర్వాత… కొన్ని చానళ్ల ఇంటర్యూల్లో.. పెరిగిపోయిన నాటకీయత కారణంగా.. ఈ విమర్శలు చేస్తున్నారు. ప్రియాంకగాంధీ అయితే… మోడీ గొప్ప నటుడు అనేశారు. ఇలా ఎన్ని విమర్శలు వచ్చినా… నరేంద్రమోడీ మాత్రం వెనక్కి తగ్గరు. ఆ విషయం కేదార్ నాథ్ పర్యటనతో తేలిపోయింది.

ఆ శివుడి కన్నా ఈ మోడీనే ఎక్కువైపోయారు..!

ప్రచారం ముగిసిన తర్వాత కేదారనాథ్‌లో ప్రత్యేకపూజలు చేశారు. అయితే ఆధ్యాత్మిక యాత్రలో ప్రధాని మోదీ వస్త్రధారణ… భక్తులను సంభ్రమాశ్చర్యాలకు గురిచేసింది. ఆయన వేషధారణను భక్తులు వింతగా చూడాల్సి వచ్చింది. లాంగ్‌ సల్వార్‌, మెడలో రుద్రాక్షలు, భుజంపై శాలువా, చేతిలో కర్ర, నెత్తిన రెండు రంగుల టోపీ, నడుముకు కాషాయ వస్త్రం, కాళ్లకు షూ …ఇలా కనిపించారు. కాసేపు గొడుగును పట్టుకుని ముందుకు వెళ్లారు మోదీ. ఓ చోట పెద్ద గొడుగు కింద సేదదీరారు. మోడీ వస్తున్న కారణంగా భక్తుల్ని ముందుగానే నిలిపివేశారు. కానీ.. మోడీ తన హావభావాల్లో లోటు మాత్రం రానీయలేదు. తనను భక్తులు గ్రీట్ చేస్తున్నట్లుగా.. అభివాదం చేసుకుంటూ ఆలయానికి చేరుకున్నారు. చేతులు ఊపుతూ సందడిచేశారు.

అక్కడే మోడీకో ధ్యానరాత్రి ..!

హిమాలయాలపైకి చేరుకునేటప్పుడు పర్వత ప్రాంతంపై నుంచి సూర్య నమస్కారం చేశారు. ఆ తర్వాత ఆలయంలోని గూహలోకి వెళ్లి కేదారనాథుడ్ని ప్రార్థించారు. రాత్రి పూట అంతా.. ధ్యానం చేసుకుంటూ గడిపేశారు. ప్రచారం ముగిసిన తర్వాత మీడియాలో కనబడటం కష్టమని ఇతర రాజకీయ నాయకులకు ఏమైనా అభిప్రాయాలుంటే.. మోడీ వాటిని పక్కన పెట్టేశారని చెప్పుకోవాలి. ఆయన వేసిన విచిత్రమైన వేషం, వాటితో ఆయన తిరిగిన ప్రాంతాలు… చూపించిన హావభావాలు సూపర్ హిట్టయ్యాయి. మీడియా అదే పనిగా చూపించింది.

షూటింగ్ మాత్రం పర్‌ఫెక్ట్..!

చార్ ధామ్ యాత్రకు వచ్చే భక్తుల కోసం… చేయనన్ని ఏర్పాట్లను మోడీ కోసం చేశారు. ఆలయం చుట్టూ ప్రదిక్షణలు చేస్తారని రెడ్ కార్పెట్ కూడా వేశారు. మోడీ ప్రతి కదలికను షూట్ చేయడానికి.. అత్యాధునిక కెమెరాలు.. నైపుణ్యం ఉన్న సిబ్బంది వెంట ఉన్నారు. చివరికి.. గుహలో మోడీ ధ్యానం చేసేటప్పుడు కూడా.. కెమెరా యాంగిల్‌లో కూడా తేడా రాకుండా షూట్ చేసి మీడియాకు.. ఇచ్చారు. అందుకే.. కేదార్ నాథ్ మోడీ.. సూపర్ హిట్టయింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close