ప్రభాస్.. ఇప్పుడు మోస్ట్ వాంటెడ్ స్టార్‌! ప్రభాస్ కాల్షీట్లు ఇస్తానంటే – మూడేళ్ల త‌ర‌వాతైనా సినిమా చేయ‌డానికి నిర్మాత‌లు రెడీ. ఇప్ప‌టికే.. ప్రభాస్ చేతిలో మూడు సినిమాలున్నాయి. `రాధే శ్యామ్` పూర్తికావొచ్చింది. ఆ వెంట‌నే… `ఆదిపురుష్‌`, `స‌లార్‌` వ‌స్తాయి. మ‌రోవైపు నాగ అశ్విన్ కాచుకుని కూర్చున్నాడు. నాగ అశ్విన్ సినిమా ప్రభాస్ కెరీల్ 23వ చిత్రం. 24వ సినిమాకి కూడా ద‌ర్శ‌కుడు ఆల్రెడీ ఫిక్స‌యిపోయాడ‌ట. ఆ వివ‌రాలు గోప్యంగా ఉంచింది ప్రభాస్ టీమ్‌. దాంతో పాటు ప్రభాస్ 25వ సినిమా కూడా ఓకే అయిపోయింద‌ని, ఈచిత్రాన్ని మైత్రీ మూవీస్ నిర్మించ‌బోతోంద‌ని టాక్.
మరో విశేషం ఏమిటంటే.. కొర‌టాల శివ‌తో ప్రభాస్ 25వ సినిమా ఉండ‌బోతోంద‌ని ఇన్ సైడ్ వ‌ర్గాల టాక్ వినిపిస్తోంది. `మిర్చి`తో… కొర‌టాల శివ ద‌ర్శ‌కుడిగా ఎంట్రీ ఇచ్చాడు. ఆ సినిమాతో కొర‌టాల జాత‌క‌మే మారిపోయింది. అప్ప‌టి నుంచీ ప్రభాస్ తో మరో సినిమా చేయాల‌ని అనుకుంటూనే ఉన్నాడు. కానీ అటు ప్రభాస్, ఇటు కొర‌టాల ఇద్ద‌రూ బిజీగా ఉండ‌డంతో… కుద‌ర‌డం లేదు. కాక‌పోతే.. ప్రభాస్ 25వ సినిమా ఎట్టి ప‌రిస్థితుల్లోనూ కొర‌టాల‌తో చేయాల‌ని మైత్రీ గ‌ట్టిగా డిసైడ్ అయ్యింద‌ని తెలుస్తోంది. ప్రభాస్ కూడా ఈ మైల్ స్టోన్ సినిమా బాధ్య‌త‌ని కొర‌టాల‌కు అప్ప‌గించ‌డానికి సిద్ధంగానే ఉన్నాడ‌ట. కాక‌పోతే… ప్రభాస్ 25వ సినిమా అంటే.. మూడేళ్ల త‌ర‌వాతి మాట. అప్ప‌టికి రాజెవ‌రో, మంత్రెవ‌రో?!
