సినిమా ప్రపంచంలో నటసామ్రాట్ అనేది ఓ గొప్ప బిరుదు.. అయితే ఆ బిరుదుపై ప్రకాశ్ రాజ్ కన్నేశాడు అనుకుంటే మీరు పొరపాటు పడ్డట్టే.. ఒకవేళ తన విలక్షణ నటనతో ప్రేక్షకులను అలరిస్తున్న ప్రకాశ్ రాజ్ కు ఆ బిరుదు సూట్ అయ్యే అవకాశాలు ఉన్నా ప్రస్తుతం ఆ టైటిల్ ఉన్న సినిమాపై కన్నేశాడు నటుడు, దర్శకుడు, నిర్మాత ప్రకాశ్ రాజ్. మరాఠిలో సూపర్ హిట్ అయిన సినిమా ‘నటసామ్రాట్’.
బాలీవుడ్ టాలెంటెడ్ ఆర్టిస్ట్ నానా పటేకర్ నటించిన ఆ సినిమాను మహేష్ మంజ్రేకర్ డైరెక్ట్ చేయడం జరిగింది. అడపాదడపా తెలుగు సినిమాల్లో నటిస్తున్న మహేష్ మంజ్రేకర్ ఈ నటసామ్రాట్ సినిమాను తెరకెక్కించడం జరిగింది. ఓ నటుడు సినిమాల నుండి రైటైర్ అయ్యాక సినిమా తాలూకు జ్ఞాపకాలతో కూడుకున్న కథాంశమే ఈ సినిమా. అయితే ఈ సినిమా చూసి మనసుపడ్డ ప్రకాశ్ రాజ్ ఈ సినిమా తన దర్శకత్వంలో తానే నటించి నిర్మించాలని చూస్తున్నాడు.
ఇంతకుముందు మహేష్ మంజ్రేకర్ దర్శకత్వం చేసిన ధోని సినిమాను తెలుగు తమిళ భాషల్లో తెరకెక్కించారు ప్రకాశ్ రాజ్. ఇప్పుడు నటనసామ్రాట్ పై ఆయన కన్ను పడ్డది. ప్రస్తుతం మనవూరి రామాయణం సినిమా చేస్తున్న ప్రకాశ్ రాజ్ ఈ ప్రాజెక్ట్ తర్వాత ఆ మూవీ మొదలు పెట్టే అవకాశం ఉంది.
