రామ్ సినిమాల్లోనే కాదు బయట కూడా భలే ఎనర్జిటిక్ గా ఉంటాడు. రామ్ మాట్లాడితే మన పక్కింటి కుర్రాడిలా… మనింటి కుర్రాడిలా అనిపిస్తుంది. కాసేపటి క్రితం ముగిసిన హైపర్ ట్రైలర్ ఫంక్షన్ లో కూడా రామ్ తన మాట తీరుతో ఆకట్టుకున్నాడు. ట్రైలర్ లో పంచ్ లేమోగానీ తన స్పీచ్ లో చాలా మందిపై పంచ్ లు పడ్డాయి. ఒక్కరినీ వదలకుండా… అందరిపైనా సెటైర్లు వేసాడు.
సంగీత దర్శకుడు జీబ్రాన్ గురించి మాట్లాడుతూ హైదరాబాద్ బిర్యానీ కోసం వొచ్చినా మాకు మంచి ట్యూన్స్ ఇచ్చాడు… అని జోక్ చేశాడు.
హైపర్ అనే టైటిల్ నన్ను చూసి పెట్టింది కాదు. నాకంటే మా డైరెక్టర్ ఇంకా హైపర్. 3 నెలల్లో సినిమా తీసేసాడు అంటూ సంతోష్ శ్రీనివాస్ కి కంప్లిమెంట్ ఇచ్చాడు.
రాశీ ఖన్నా కి స్లీపర్ సెల్స్ రూపంలో ఫాన్స్ ఉన్నారట. వాళ్లంతా రాశికి హిట్ పడితే తీవ్రవాదులుగా మారిపోతారట. ఇది కామెంట్ అనుకోవాలో కాంప్లిమెంట్ అనుకోవాలో రాశీ కీ అర్ధం అయ్యుండదేమో.
మొత్తానికి హైపర్ ఫంక్షన్ లో రామ్ ఇంకా హైపర్ గా కనిపించాడు. హిట్ కొట్టేస్తాం అనే నమ్మకం ఈ ట్రయిలర్ తో బాగా పెరిగిపోయిందేమో.