అలా చెప్పే బదులు కొడుకుని పోలీసులకు అప్పగించవచ్చు కదా?

ఏపి సాంఘిక సంక్షేమ శాఖ మంత్రి రావెల కిషోర్ బాబు కుమారుడు రావెల సుశీల్ బంజారా హిల్స్ ప్రాంతంలో రోడ్డుపై వెళుతున్న ఒక ముస్లిం వివాహిత మహిళతో నిన్న అసభ్యంగా ప్రవర్తించినందుకు బంజారా హిల్స్ పోలీసులు అతనిపై నిర్భయ చట్టంలోని సెక్షన్ 345డి క్రింద కేసు నమోదు చేసారు. ఈ వ్యవహారంపై మంత్రి రావెల స్పందిస్తూ తనకు చట్టం మీద గౌరవం ఉందని, తన కొడుకు కేసు విషయంలో తను కలుగజేసుకోనని చెప్పారు. ఈ కేసు తెలంగాణా రాష్ట్ర పరిధిలో ఉందని, ఆంద్రాలో అయినా తెలంగాణాలో అయినా ఇటువంటి కేసులలో చట్టం తన పని తాను చేసుకుపోతుందని రావెల చెప్పారు.

తన కొడుకు పట్టపగలు నడిరోడ్డుపై ఒక వివాహిత ముస్లిం మహిళపై అత్యాచారం చేయడానికి ప్రయత్నించడం మంత్రిగా ఉన్న రావెల కిషోర్ బాబుకి, ఆయన కుటుంబానికి చాలా అప్రదిష్ట కలిగించేదే. పైగా తన కొడుకుపై తెలంగాణాలో కేసు నమోదు అయింది కనుక ఇంకా ఇబ్బందికరంగా మారవచ్చును. ఆయన కుమారుడు సుశీల్, డ్రైవర్ ఇద్దరూ కూడా ఈపాటికే ఆంధ్రాలో సురక్షితమయిన ప్రదేశానికి వెళ్ళిపోయి ఉండవచ్చును. కనుక తనకు చట్టంపై చాలా గౌరవం ఉందని చెపుతున్న మంత్రి రావెల స్వయంగా పరారిలో ఉన్న తన కొడుకుని పోలీసులకు అప్పగించి తన నిజాయితీని నిరూపించుకొంటే అందరూ హర్షిస్తారు.

మంత్రి కొడుకు కనుక అతనిని ఈ కేసు నుండి తప్పించే ప్రయత్నాలు తప్పకుండా జరుగవచ్చును. కానీ అటువంటిదేమీ లేదని ఎసిపి ఉదయ కుమార్ చెప్పారు. తాము కేసులు నమోదు చేసుకొని దర్యాప్తు మొదలుపెట్టామని చెప్పారు. అతనితో బాటు డ్రైవర్ కి కూడా రెండు రోజులలోగా పోలీసుల ముందు లొంగిపొమ్మని ఆదేశిస్తూ నోటీసులు పంపారు. కానీ వారిద్దరూ పరారిలో ఉన్నట్లు ఎసిపి ఉదయ్ కుమార్ మీడియాకి తెలిపారు. ఒకవేళ రెండు రోజుల్లోగా వారిద్దరూ తమకు లొంగిపోకపోతే వారి పేరిట అరెస్ట్ వారెంట్లు జారీ అరెస్ట్ చేస్తామని బంజారా హిల్స్ డిసిపి వెంకటేశ్వరులు మీడియాకి తెలియజేసారు. కానీ ఇటువంటి కేసులలో వేరేవరినో బలిపశువును చేసి అసలు నేరస్తులు తప్పించుకోవడం చాలా సార్లు జరిగిందే. కనుక మంత్రి గారి కొడుకుకి చట్ట ప్రకారం శిక్ష పడుతుందని ఆశించలేము.

స్థానిక కార్పొరేటర్ గా ఉన్న తెరాస నేత కె. కేశవ్ రావు కుమార్తె విజయలక్ష్మి మంత్రిగారి కొడుకుని తక్షణమే అరెస్ట్ చేయాలని పోలీసులపై ఒత్తిడి తెస్తున్నారు. పట్టపగలే మహిళలు రోడ్లపై తిరుగలేని పరిస్థితి ఉంటే ఇంకా దేశంలో మహిళలు ఇళ్ళ నుండి బయటకు రాకుండా జీవించవలసి ఉంటుందని ఆమె అన్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close