తెదేపాలో సీనియర్లు, అనుభవజ్ఞులు పెరగనున్నారా?

ఒకవైపు ఎదిగివస్తున్న నాయకులు, లోకేష్‌ నాయకత్వంలో పెరుగుతున్న యువనేతలు, మరోవైపు వైఎస్సార్‌ కాంగ్రెస్‌ పార్టీనుంచి యువ ఎమ్మెల్యేలు అనేక మంది వలసల రూపంలో వెల్లువలా తెలుగుదేశంలోకి వస్తూ ఉండడం… మరో వైపు ఎంతో అనుభవజ్ఞులు అయిన ఇతర పార్టీల నాయకులు కూడా .. ఏపీలో తమ భవిష్యత్‌ ప్రస్థానానికి తెలుగుదేశం పార్టీనే బెస్ట్‌ అని ఎంచుకుంటూ ఉండడం.. ఈ పరిణామాలు అన్నీ పార్టీకి లాభిస్తున్నాయి. యువశక్తితో పాటూ.. సీనియర్లు, అనుభవజ్ఞుల బలం కూడా ఆ పార్టీకి పెరగనుంది. తాజా పరిణామాల్లో కాంగ్రెస్‌ పార్టీకి చెందిన ఏపీ కురువృద్ధుల్లో ఒకరు గాదె వెంకటరెడ్డి కూడా తెలుగుదేశంలో చేరడానికి రంగం సిద్ధం చేసుకుంటూ ఉండడం దీనికి సంకేతంగానే నిలుస్తున్నది.
గాదె వెంకటరెడ్డి అనుభవం రీత్యా చాలా పెద్ద నాయకుడు. కాంగ్రెస్‌ పార్టీ ప్రభుత్వాలలో వైఎస్‌ఆర్‌ జమానా మొదలయ్యే ముందు అంచె వరకు ప్రతిసారీ మంత్రిపదవిని నిర్వహించినంతటి సీనియర్‌ నాయకుడు ఆయన. వైఎస్‌ఆర్‌ హవా మొదలైన తర్వాత.. ప్రాభవం మసకబారిన వారిలో ఒకరు. రాష్ట్ర విభజనకు ఉద్యమాలు జరుగుతున్న సమయంలో.. తాను కాంగ్రెస్‌ పార్టీలోనే ఉన్నప్పటికీ.. రాష్ట్రం సమైక్యంగా ఉండాలనే వాదనను చాలా గట్టిగా వినిపించిన వ్యక్తి. ఆ విషయంలో పార్టీ అధిష్ఠానంతో విభేదించడానికి కూడా ఆయన వెనుకంజ వేయలేదు. సార్వత్రిక ఎన్నికల్లో రాష్ట్రవ్యాప్తంగా కాంగ్రెస్‌ పార్టీ సర్వనాశనం అయిపోయిన తర్వాత.. ఆయన అంతో ఇంతో తెదేపాకు అనుకూలంగా మాట్లాడుతూ వచ్చారు.

ఇన్నాళ్లకు ఇప్పుడు ఆయన చంద్రబాబు గణంలో చేరడానికి ముహూర్తం నిర్ణయించుకున్నట్లుగా వార్తలు వస్తున్నాయి. శుక్రవారం గాదె వెంకటరెడ్డి తెదేపాలో చేరుతారని తెలుస్తున్నది. గాదె వెంకటరెడ్డి పార్టీలో చేరడం అంటే.. కాంగ్రెస్‌ పార్టీకి చెందిన పలువురు ఇతర సీనియర్లకు కూడా ఆ పరిణామం మార్గదర్శకం అయినా ఆశ్చర్యం లేదు. గాదె కూడా వచ్చినట్లయితే.. తెలుగుదేశం పార్టీలో సీనియర్లు, అనుభవజ్ఞుల జాబితా పెరుగుతుంది. ఎటూ వైకాపాకు రాజీనామాచేసిన మైసూరారెడ్డి తెదేపాలోకి రావడం గ్యారంటీ అయిన నేపథ్యంలో గాదె కూడా వచ్చినట్లయితే.. తలపండిన, అనుభవం పండిన పార్టీకి మార్గదర్శనం చేయగల పెద్దల సంఖ్య పెరుగుతుందని పలువురు అంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close