సినిమా రిలీజ్ శుక్రవారం పెట్టుకునే సెంటిమెంట్ ఎప్పటినుండి వచ్చినదో ఏమో కాని.. శుక్రవారంవచ్చిందంటే చాలు వరుసగా సినిమాలు రిలీజ్ చేసే ఆలోచనలో ఉన్నారు దర్శక నిర్మాతలు. ప్రతి శుక్రవారం బాక్సాఫీస్ దగ్గర తమ అదృష్టాన్ని పరిక్షించుకునేందుకు సినిమా రిలీజ్ అవుతుంటాయి. అయితే ఈ శుక్రవారం 8 సినిమాలు రిలీజ్ అవుతుండటం విశేషం.
ఈ శుక్రవారం రిలీజ్ అయ్యే సినిమాల్లో ముందుగా చెప్పుకోవాల్సి వస్తే పివిపి బ్యానర్ నుండి వస్తున్న ‘క్షణం’ తో మొదలుపెట్టాలి. టీజర్, ట్రైలర్స్ తో ప్రేక్షకులను ఇంప్రెస్ చేసిన ఈ సినిమా ఈ శుక్రవారం ఫేవరేట్ సినిమాగా నిలుస్తుంది. ఇక అక్కినేని నాగార్జున అండదండలతో వస్తున్న సినిమా ‘పడేశావే’ కూడా ఈ శుక్రవారం రిలీజ్ అవుతుంది. వీటితో పాటుగా సీనియర్ హీరో శ్రీకాంత్ మరోసారి తన ప్రయత్నంగా ‘టెర్రర్’ అంటూ దండయాత్రకు వస్తున్నాడు. ఇక వెన్నెల కిశోర్ ప్రధాన పాత్రలో నటించిన ‘ఎలుకా మజాకా’ కూడా ఈ వీకెండ్ రిలీజ్ అవుతుంది.
అయితే వీటితో పాటుగా ఎప్పుడు తీశారో తెలియని ‘రాజుగారి ఇంట్లో ఏడో రోజు’, ‘వీరి వీరి గుమ్మడి పండు’ సినిమాలు రిలీజ్ అవుతున్నాయి. ఇక ఇవే కాకుండా డబ్బింగ్ సినిమాలు కూడా ఈ వారం పోటీకి వస్తున్నాయి. జయం రవి నటించిన ‘మిరుధన్’ సినిమా ‘యమపాశం’గా రిలీజ్ అవుతుండగా హాలీవుడ్ సినిమా గాడ్స్ ఆఫ్ ఈజిప్ట్ డబ్బింగ్ వర్షన్ రిలీజ్ అవుతుంది.
మొత్తానికి శుక్రవారం వచ్చినదంటే కొత్త సినిమా సందడితో ప్రేక్షకులను ఆకట్టుకుంటున్నా వీటిలో ఏది వారు మెచ్చే సినిమా అవుతుందో మరి. క్షణం, పడేసావే సినిమాలు మంచి పబ్లిసిటీతో ముందుకు వస్తున్నాయి. మరి ఈ 8 సినిమాల్లో ఏ సినిమా విజయ బావుటా ఎగురవేస్తుందో చూడాలి.
