పార్లమెంట్ సమావేశాలు ప్రారంభమవుతూంటే అన్ని పార్టీల అధ్యక్షులు తమ ఎంపీలతో సమావేశమై పార్లమెంట్ లో అనుసరించాల్సిన వ్యూహాలను చర్చిస్తారు. ఎంపీలకు దిశానిర్దేశం చేస్తారు. కానీ ఈ తతంగం అంతా వృధా ప్రయాస అని వైసీపీ అధినేత జగన్ అనుకుంటారు. అందుకే ఎంపీలతో సమావేశం అవడం లాంటి పనులు పెట్టుకోరు. ఈ సారి కూడా అంతే. సోమవారం నుంచి శీతాకాల పార్లమెంట్ సమావేశాలు ప్రారంభమవుతున్నాయి. కానీ ఎంపీలకు ఆయనేం దిశానిర్దేశం చేయలేదు.
అఖిలపక్ష సమావేశానికి వెళ్లిన .., ఆ పార్టీ పార్లమెంటరీ పార్టీ నేత మిథున్ రెడ్డి.. చాలా అంశాలపై మాట్లాడినట్లుగా బయటకు చెప్పుకున్నారు. ఈ పార్లమెంట్ సమావేశాల్లో ఓటర్ల జాబితా సమగ్ర సవరణ గురించి విపక్షాలు రచ్చ చేసే అవకాశం ఉంది., మరి ఈ అంశంపై మీ స్పందనేమిటి అంటే ఆయన ధైర్యంగా వ్యతిరేకిస్తామని చెప్పలేకపోయారు. ఏపీలో విధానాలను చూసి స్పందిస్తామన్నారు. ఎంపీగా ఉండి.. ఎన్నికల సంఘం పనితీరుపై ఆయనకు అవగాహన లేనట్లుగా మాట్లాడారు.
ఏ రాష్ట్రంలో అయినా సర్ పక్రియ ఒకే రకంగా సాగుతుంది. ఏపీలోనూ అంతే సాగుతుంది. కానీ వ్యతిరేకిస్తామన్న ధైర్యం లేదు. అందుకే అలా తప్పించుకున్నారు. బీజేపీ ఏ బిల్లు పెట్టినా.. ఏ పాలసీ పెట్టినా సమర్థించడం తప్ప వైసీపీకి మరో దారి లేదు. అందుకే జగన్ కూడా. … ప్రత్యేకంగా వ్యూహం ఎందుకు..దానికి సమావేశాలెందుకు ఎంపీలను లైట్ తీసుకుంటున్నట్లుగా ఉన్నారు.
