“నడపలేక వేరే పార్టీలో కలిపేసి ఇంట్లో కూర్చునే నేతలొద్దు..” “నేను రాజకీయాల్లో ఫెయిలయితే వెళ్లి సినిమాలు చేసుకునే టైప్ కాదు..” ఇలాంటి మాటలు ఎవరి నోటి వెంట వచ్చినా ముందు అందరికీ గుర్తుకు వచ్చేది.. ప్రజారాజ్యం పార్టీ, చిరంజీవినే. మెగాస్టార్ గా సినిమాల్లో సాధించాల్సినదంతా సాధించేశానని.. ఇక రాజకీయాల్లోకి వెళ్తున్నానని చెప్పి… గ్రాండ్‌గా పెద్ద పార్టీ ఇచ్చి.. వీడ్కోలు చెప్పారు. కానీ ఐదేళ్లు తిరిగేసిరికి.. రాజకీయ పార్టీ పెట్టడం… ఎమ్మెల్యే అవడం… కాంగ్రెస్ పార్టీలో కలపడం.. ఎంపీ అవడం.. కేంద్రమంత్రి అవడం.. మళ్లీ పాలిటిక్స్‌లో జీరో స్థాయికి రావడం జరిగిపోయాయి. ఇప్పుడు ఆయన మళ్లీ సినిమాలు చేసుకుంటున్నారు. చిరంజీవి రాజకీయ జీవితంలో… పీఆర్పీని కాంగ్రెస్‌లో విలీనం చేయడం అనేది చాలా పెద్ద డెవలప్‌మెంట్. అది ఒప్పో తప్పో.. విశ్లేషించేవారిని బట్టి ఉంటుంది. కానీ పవన్ కల్యాణ్.. మాత్రం నిర్ణయంపై మొదటి సారి బహిరంగంగా స్పందించారు. పార్టీని నడపలేక… ఇతర పార్టీల్లో కలిపే ఇంట్లో కూర్చునే నేతలొద్దని.. నేరుగా చెప్పేశారు. ప్లోలో.. మంత్రి గంటా శ్రీనివాసరావు అలా చేశారని చెప్పుకొచ్చారు కానీ.. ఎప్పుడూ..గంటా శ్రీనివాసరావు పార్టీ పెట్టలేదు. పీఆర్పీలోనే ఆయన కీలకంగా వ్యవహరించారు.
అన్నయ్య అంటే అమితమైన అభిమానం చూపే… పవన్ కల్యాణ్.. ప్రజారాజ్యం విషయంలో అంత తీవ్రంగా ఎందుకు స్పందించారో..? . ఇదొక్కటే కాదు.. చిరంజీవి రాజకీయాలను వదిలేసి..మళ్లీ సినిమాలు చేయడంపైనా సెటైర్లు వేశారు. తను పెట్టిన రాజకీయ పార్టీ ఫెయిలయితే.. మళ్లీ వెళ్లి.. సినిమాలు చేసుకునే వాడ్నికాదని.. ప్రజల కోసం పోరాడుతాననని ప్రకటించారు. అంటే.. చిరంజీవి అలా రాజకీయాల నుంచి విరమించుకుని మళ్లీ సినిమాలు చేసుకోవడాన్ని తప్పు పడుతున్నారా..? తాను అన్నయ్య చిరంజీవిలా చేయబోనని గట్టిగా చెప్పేందుకు ప్రయత్నిస్తున్నారా..? అన్నది పెద్దగా ఎవరికీ అర్థం కాలేదు కానీ..చిరంజీవి చేసింది కరెక్ట్ కాదని తేల్చి చెప్పడం మాత్రం అందులో ఉన్న పచ్చి నిజం.
మరి పవన్ కల్యాణ్ నిజంగానే అన్నయ్యను టార్గెట్ చేశారా..? లేక ముందస్తుగా కసరత్తు చేయకుండా వచ్చి..ఏం మాట్లాడాలో తెలియక.. మాట్లాడేశారా..? ఒక వేళ ఏం మాట్లాడాలో తెలియక పోతో పార్టీల విలీనాలు.. మళ్లీ సినిమాలు చేయడం గురించి మాత్రమే చెప్పడం ఎందుకు…? ఏంటో అంతా కన్ఫ్యూజన్. పవన్ కల్యాణ్‌కు అయినా క్లారిటీ ఉందేమో..? ప్రత్యేక వ్యూహం ప్రకారమే చిరంజీవిని టార్గెట్ చేసి ఉంటే.. దాని పరిణామాలు ముందు ముందు ఉంటాయేమో..?
