ఆర్.ఆర్.ఆర్ కోసం దాదాపు మూడేళ్లు రాత్రింబ‌వ‌ళ్లూ క‌ష్ట‌ప‌డ్డాడు రాజ‌మౌళి. త‌నే కాదు…త‌న కుటుంబం మొత్తం.. ఈ ప్రాజెక్టుకి ప్రాణం పెట్టేసింది. త‌న ప్ర‌తీ సినిమాకీ ఇదే క‌ష్టం. అయితే సినిమా విడుద‌లైన త‌ర‌వాత కొంత‌కాలం ఈ సినిమా ప్ర‌పంచానికి దూరంగా వెళ్లిపోవ‌డం రాజ‌మౌళికి అల‌వాటే. ఇప్పుడూ అదే చేస్తున్నాడు. ఏప్రిల్ లో రాజ‌మౌళి త‌న‌కుటుంబంతో స‌హా విహార యాత్ర ప్లాన్ చేశాడు. విదేశాల్లో 15 రోజుల పాటు ఉండి తిరిగిరావాల‌న్న‌ది ఆలోచ‌న. అప్ప‌టికి `ఆర్.ఆర్.ఆర్` హ‌వా చ‌ల్ల‌బ‌డుతుంది. వ‌చ్చాక.. మహేష్ బాబు తో సినిమా గురించిన స‌న్నాహాలు ఎలాగూ మొద‌లెట్టాలి. మహేష్ తో ఎలాంటి సినిమా చేయాల‌న్న విష‌యంపై రాజ‌మౌళికి ఓ స్ప‌ష్ట‌త ఉంది. ఇప్ప‌టికే లైన్ త‌యారైపోయింది. దానిపై క‌స‌ర‌త్తు చేయాలంతే. `ఆర్.ఆర్.ఆర్`ని మించి మహేష్ బాబు సినిమా ఉంటుంద‌ని రాజ‌మౌళి ముందే హింట్ ఇచ్చేశాడు. మహేష్ సినిమా ఓ మ‌ల్టీస్టార‌ర్ అని ఇది వ‌ర‌కు ప్ర‌చారం జ‌రిగింది. దాన్ని రాజ‌మౌళి ఖండించాడు. ఇది సోలో హీరో సినిమానే అని తేల్చేశాడు. ఈ యేడాది ద‌స‌రా నుంచి మహేష్ సినిమా ప‌ట్టాలెక్కే అవకాశం ఉంది.
రాజ‌మౌళి నెక్ట్స్ ప్లానేంటి?
