హైదరాబాద్: అక్టోబర్ 2నుంచి ఆమరణ నిరాహార దీక్షకు కూర్చుంటానని అవినీతి వ్యతిరేక ఉద్యమ నాయకుడు, సామాజిక కార్యకర్త అన్నాహజారే ఇవాళ ప్రకటించారు. భూ సేకరణ బిల్లు, ఒకటే హోదా-ఒకటే అంశాలపై ప్రభుత్వ వైఖరికి నిరసనగా ఢిల్లీ రామ్‌లీలా మైదాన్‌లో నిరాహారదీక్షకు కూర్చుంటున్నట్లు వెల్లడించారు. భూసేకరణ ఆర్డినెన్స్‌ను చట్టం చేయొద్దని కోరుతూ అన్నా హజారే ఈ ఏడాది మొదట్లో ప్రధాని నరేంద్ర మోడికి ఒక లేఖకూడా రాశారు. కేంద్రానికి భూ సేకరణ ఆర్డినెన్స్‌ను చట్టంగా చేయటంలో ఉన్న ఆసక్తి ఒకటే హోదా-ఒకటే పింఛను పథకం అమలుపై లేదని అన్నా ఇటీవల పలుసార్లు విమర్శలు చేశారు. అన్నా గతంలో లోక్‌పాల్ బిల్లుకోసంకూడా ఆమరణ నిరహారదీక్ష చేయటం, నాటి యూపీఏ ప్రభుత్వం దిగివచ్చి లోక్‌పాల్ బిల్లును పాస్ చేయించం తెలిసిందే.
ఆమరణ నిరాహారదీక్షకు దిగుతున్న అన్నా హజారే
